فیصل جاوید خان کا شہریار منور کی جلد صحتیابی کے لئے دعا اور نیک تمناؤں کا اظہار

0
27

سینیٹ کی قائمہ کمیٹی برائے انفارمیشن اینڈ براڈ کاسٹنگ کے چیئرمین فیصل جاوید خان اداکار شہریار منور کی جلد صحتیابی کیلئے دعا گو ہیں۔

باغی ٹی وی : سینیٹر فیصل جاوید نے سماجی رابطے کی ویب سائٹ ٹوئٹر پر اپنے ٹوئٹ میں شہریار منور کے لئے نیک تمناؤں کا اظہار کیا اور اداکار کی جلد صحتیابی کے لئے دعا کی-


فیصل جاوید نے اپنے ٹوئٹ میں شہر یار منور کو ٹیگ کرتے ہوئے لکھا کہ شہریار منور آپ کیلئے بے شمار دعائیں۔

انہوں نے اپنے ٹوئٹ میں اداکار کیلئے نیک خواہشات کا اظہار کرتے ہوئے لکھا کہ اللہ آپ کو جلد صحتیاب کرے۔

خیال رہے کہ گزشتہ دنوں اداکار شہریار منور نے انسٹاگرام پر اپنی ایک پوسٹ میں بتایا تھا کہ وہ کچھ ماہ قبل موٹرسائیکل پر گلگت سے ہنزہ جاتے ہوئے ایک حادثے میں زخمی ہوگئے تھے۔

ہسپتال سے موٹرسائیکل پر سفر ، سرجری کی ویڈیوز، فریکچر اور سرجری کے بعد کی مختلف تصاویر کو انسٹاگرام پر شیئر کرتے ہوئے انہوں نے لکھا ’مجھے فیس بک/انسٹاگرام پر متعدد پیغامات مل رہے تھے، جن میں پوچھا جارہا تھا کہ گزشتہ 2 ماہ سے میں سوشل میڈیا پر متحرک کیوں نہیں، جس پر میں پہلے تو معذرت کرتا ہوں۔

دوسرا یہ کہ میں نے 2 ماہ قبل شمالی علاقہ جات کا دورہ کیا تھا جہاں میرے ساتھ ایک حادثہ پیش آگیا تھا شمالی علاقہ جات کی سیر کے دوران موٹر بائیک پر گلگت سے ہنزہ جاتے ہوئے ان کا ایکسیڈنٹ ہوگیا تھا جس کے باعث انھیں شدید چوٹ آئیں جس کے باعث میں سرجری کے لیے لندن گیا-

اداکار نے بائیک چلانے والوں کو نصیحت کی کہ بائیک رائیڈنگ ایک مزیدار لیکن خطرناک کام ہے اس کے لیے ضروری ہے کہ آپ لوگ مکمل حفاظتی اقدامات کریں۔

شہریار منور نے مداحوں کو سوشل میڈیا سے غائب ہونے کی وجہ بتا دی

Leave a reply