ڈیرہ غازیخان :فیصل مسجد شہزاد کالونی میں اصلاحی اجتماع

ڈیرہ غازیخان،باغی ٹی وی (نامہ نگار) فیصل مسجد شہزاد کالونی میں اصلاحی وروحانی اجتماع
تفصیل کے گذشتہ روز نماز جمعۃ المبارک کے بعد فیصل مسجد میں سلسلہ نقشبندیہ اویسیہ ڈیرہ غازی خان کے زیر انتظام محفل ذکر کا انعقاد کیا گیا ۔ جس میں ڈاکٹر نوید آصف یوسفی صاحب نے ذکر الٰہی کی اہمیت اور معاشرے پر اس کے اثرات اور طریقہ ذکر سلسلہ نقشبندیہ اویسیہ پر سیر حاصل خطاب کیا ۔ اس کے بعد سلسلہ نقشبندیہ اویسیہ کے سینئر ساتھی محمد علی بخاری نے مختصراً مگر جامع انداز میں روحانیت پر خصوصی خطاب کیا ۔ اسکے بعد شرکاء کو ذکر قلبی کروایا ۔ آخر میں ملک وقوم کے لیے خصوصی دعا کی گئی ۔ بستی وڈانی ، راجپوت کالونی اور شہزاد کالونی و مضافات سے شرکاء کی بڑی تعداد موجود تھی-

Leave a reply