فیصل واوڈا کے خلاف اندراج مقدمہ کے لئے درخواست دائر

0
25

فیصل واوڈا کے خلاف اندراج مقدمہ کے لئے درخواست دائر

باغی ٹی وی کی رپورٹ کے مطابق وفاقی وزیر فیصل واوڈا کی جانب سے ٹاک شومیں بوٹ دکھانے کے معاملے پر انکے خلاف اندراج مقدمہ کی درخواست سیشن کورٹ میں دائر کر دی گئی ۔ درخواست میں عدالت سے استدعا کی گئی ہے کہ وفاقی وزیر کے خلاف مقدمہ درج کرنے کا حکم دیا جائے ۔

وفاقی وزیر کے خلاف درخواست مقامی وکیل رانا نعمان ایڈووکیٹ اور مدثر چوہدری ایڈوکیٹ نے دائر کی ہے ، درخواست میں ایس ایچ او تھانہ پرانی انار کلی کو فریق بنایا گیا ہے اور موقف اختیار کیا گیا ہے کہ فیصل واوڈا نے ٹاک شو میں بوٹ دکھا کر قومی سلامتی کے اداروں کی تضیک کی ہے۔ فیصل ووڈا وفاقی وزیر ہیں انہوں نے پارلیمنٹ کی توہین کی ہے ۔فضل واوڈا کا عمل اداروں کی ساکھ متاثر کرنے کے مترادف ہے۔ تھانے میں فیصل ووڈا کے خلاف اندراج مقدمہ کی درخواست دی لیکن مقدمہ درج نہیں کیا گیا۔لہذا عدالت پولیس کو وفاقی وزیر فیصل واوڈا کے خلاف مقدمہ درج کرنے کا حکم دے

وفاقی وزیر کے خلاف درخواست کو سماعت کے لیے مقرر کرلیا گیا۔جبکہ ایڈیشنل سیشن جج سیف اللہ ہنجرا درخواست پر سماعت کریں گے

وزیراعظم عمران خان نے وفاقی وزیر فیصل واوڈا کے خلاف کا نوٹس لیتے ہوئے ان پر ٹاک شوز میں شرکت پر پابندی عائد کر دی ہے۔

نواز شریف کے ساتھ کتنے میں ڈیل ہوئی؟ مریم نواز کو جانے دیا جائیگا یا نہیں؟ شیخ رشید نے بتا دیا

نواز شریف کی طبیعت کیسی؟ کہاں سے علاج کروانا چاہتے ہیں، مریم نے اظہار کر دیا

نواز شریف کی جان خطرے میں ، مریم اورنگزیب کی حکومت کی منتیں

نواز شریف کی بیماری، ڈاکٹر یاسمین راشد نے کیے اہم انکشافات

اس حوالہ سے وزیراعظم عمران خان کی معاون خصوصی برائے اطلاعات فردوس عاشق اعوان نے سماجی رابطوں کی ویب سائٹ ٹویٹر پر جاری پیغام میں بتایا کہ وزیراعظم عمران خان نے وفاقی وزیر فیصل واوڈا سے نجی ٹی وی کے ٹاک شو میں ان کے رویے پر وضاحت طلب کرتے ہوئے ان کی کسی بھی ٹاک شو پر آئندہ دو ہفتوں کیلئے شرکت پر پابندی عائد کر دی ہے۔

واضح رہے کہ منگل کی رات 8 بجے براہ راست نشر ہونے والے پروگرام ’آف دی ریکارڈ‘ میں پاکستان تحریک انصاف کے رہنما اور وفاقی وزیر آبی وسائل فیصل واوڈا اپنے ساتھ ایک بوٹ لے کر آئے تھے جو انہوں نے پروگرام کے دوران میز پر رکھ دیا تھا. فیصل واوڈ کا کہنا تھا کہ ’اپوزیشن اور بالخصوص مسلم لیگ ن نے لیٹ کر اس بُوٹ کو عزت دی ہے اور اس بُوٹ کو انہوں نے زبان سے چمکایا ہے. اس پروگرام میں شریک دیگر دو مہمان پاکستان مسلم لیگ ن کے سینیٹر جاوید عباسی اور پاکستان پیپلز پارٹی کے رہنما قمر زمان کائرہ احتجاجاً اٹھ کر چلے گئے تھے

Leave a reply