فیض آباد دھرنا ۔مذاکرات کا پہلا دور ختم ۔اہم فیصلہ ہو گیا

0
25

باغی ٹی وی کی رپورٹ کے مطابق وزیر اعظم عمران خان نے فیض آباد دھرنے کا نوٹس لیا

ذرائع کے مطابق وزیر اعظم نے وفاقی وزیر مذہبی امور پیر نور الحق قادری کو فوری طلب کیا،وزیر اعظم پیر نور الحق کو فیض دھرنا والوں سے مذاکرات کی ہدایت کی

ذرائع کے مطابق ‏حکومتی ٹیم اور تحریک لبیک کے درمیان مذاکرات کامیاب، ‏خادم حسین رضوی کچھ دیر میں دھرنا ختم کرنے کا اعلان کریں گے،
‏حکومتی ٹیم کی سربراہی وفاقی وزیر مذہبی امور نورالحق قادری نے کی،

وزیر اعظم کی ہدایت پر وزیر مذہبی امور پیر نور الحق قادری نے تحریک لبیک سے مذاکرات کئے
وزیر داخلہ سید اعجاز شاہ ، کمشنر اسلام آباد عامر احمد اور مشیر داخلہ شہزاد اکبر اور سیکرٹری داخلہ بھی مذاکراتی ٹیم میں شامل تھے
تحریک لبیک فیض آباد دھرنا ختم کرنے پر آمادہ مذاکرات کامیاب ہو چکے ہیں

دھرنے میں ہزاروں افراد شریک ہیں اور فیض آباد و قرب و جوار کے ہوٹلز بند ہیں، دھرنے کے شرکاء فرانس کے خلاف مسلسل نعرے بازی کر رہے ہیں جبکہ مقررین کے خطابات بھی ہوتے رہتے ہیں

واضح رہے کہ تحریک لبیک کا اسلام آباد میں مارچ ہو رہا ہے مارچ میں ہزاروں افراد شریک ہیں جو لیاقت باغ سے گزشتہ شب فیض آباد پہنچے ہیں ،پولیس نے شرکا کو روکنے کی کوشش کی لیکن کامیابی نہ ملی۔ پولیس کی جانب سے آنسو گیس کی شیلنگ کی گئی جبکہ متعدد مقامات پر رکاوٹیں تھیں جن کو عبور کر کے شرکاء فیض آباد پہنچ گئے

Leave a reply