شہدائے پاکستان کو سلام.وطن سے محبت پاک فوج کے جوانوں کی میراث ہے.ہمارے شہداء نے اپنے خون سے آبیاری کر کے وطن عزیز کی بنیادوں کو مضبوط کیا.حوالدار شوکت علی دفاع وطن میں جان قربان کر کے امر ہو گئے.حوالدار شوکت علی شہید 9 نومبر 2024 کو صوبہ بلوچستان میں شہادت کے عظیم رتبے پر فائز ہوئے.حوالدار شوکت علی شہید نے سوگواران میں والدین، بھائی اور بیوہ چھوڑے.
حوالدار شوکت علی شہید کے لواحقین نے اپنے احساسات و جذبات کا اظہار کرتے ہوئے کہا؛”بیٹے کی کمی بہت محسوس ہوتی ہے،”والدہ، حوالدار شوکت علی شہید کا کہنا تھا کہ "بہت فخر ہے کہ میرا بیٹا وطن کی حفاظت کرتے ہوئے شہید ہوا”، "اللہ ہمارے جوانوں کو دشمن سے لڑنے کا جذبہ اور طاقت دے "”بیٹے کی عظیم قربانی نہ صرف ہمارے خاندان بلکہ پوری قوم کے لیے فخر کا باعث ہے”
بیوہ حوالدار شوکت شہید کا کہنا تھا کہ "شوہر کے ساتھ جتنا بھی وقت گزار، بہت اچھا اور خوشگوار گزرا””دہشتگردوں کو پیغام دینا چاہتی ہوں کہ پاک فوج کے جوان تمہاراخاتمہ کر کے رہیں گے”
حوالدار شوکت علی شہید کے بھائی کا کہنا تھا کہ "بھائی بہت ملنسار تھا اور ہر کسی سے بہت ادب اور اخلاق سے ملتا تھا،””بھائی کی شہادت نے پورے علاقے میں ہمارا سر فخر سے بلند کر دیا ،”ہمیں اور ہمارے علاقے کو بہت فخر ہے کہ ہمارے رشتہ داروں میں یہ پہلی شہادت ہے”، "اللہ پاک میرے بھائی کی شہادت کو قبول فرمائے، آمین”،حوالدار شوکت علی شہید کی قربانی ہمارا سرمایہ ہے
