معروف پاکستانی اداکار و گلوکار فخرِ عالم نے برطانوی ہائی کمشنر کرسچن ٹرنر کو ہیرو قرار دیا-
باغی ٹی وی : برطانوی ہائی کمشنر کرسچن ٹرنر نے گزشتہ روز صبح کے وقت چہل قدمی کرتے ہوئے اسلام آباد کی گلیوں میں پھیلا ہوا کوڑا کرکٹ جمع کیا اور اپنی چند تصویریں سوشل میڈیا ویب سائٹ ٹوئٹر پر پوسٹ کیں۔
Another #FridayMorningWalk, another two bags of litter. Safaai nisf imaan hai cc @dcislamabad @hamzashafqaat @CleanGreenPK pic.twitter.com/JknF3go0Hy
— Christian Turner (@CTurnerFCDO) May 7, 2021
برطانوی ہائی کمشنر کرسچن ٹرنر نے اپنی ان تصویروں کو شیئر کرتے ہوئے ڈی سی اسلام آباد حمزہ شفقات اور کلین گرین پاکستان ادارے کو مخاطب کرکے یاد دلایا کہ ’صفائی نصف ایمان ہے۔‘
برطانوی ہائی کمشنر کی یہ تصاویر سوشل میڈیا پر وائرل ہو نے کے بعد صارفین کی جانب سے ہائی مشنر کے اس اقدام کو خوب سراہا گیا جن میں اداکار ،میزبان اور گلوکار فخر عالم بھی شامل ہیں-
فخرِ عالم نے برطانوی ہائی کمشنر کرسچن ٹرنر کو اسلام آباد کی گلیوں سے کچرا جمع کرکے شہر کی انتظامیہ کو ان کی ذمہ داریوں کا احساس دلانے پر ہیرو قرار دے دیا ہے۔
سماجی رابطے کی ویب سائٹ ٹوئٹر پر فخرِ عالم نے پاکستانی عوام سے سڑکوں اور گلیوں میں کچرا پھینکنے سے بعض رہنے کی اپیل کی ہے۔
Come on Pakistan please STOP littering….and thank you @CTurnerFCDO you are a HERO, a champion of nature….bless you my friend. https://t.co/jCdJgYSTWT
— Fakhr-e-Alam (@falamb3) May 7, 2021
گلوکار نے برطانوی ہائی کمشنر کا شکریہ ادا کرتے ہوئے لکھا کہ کرسچن ٹرنرآپ کا شکریہ، آپ ہمارے ہیرو ہیں اور قدرت کے چیمپیئن ہیں۔
فخرِ عالم نے برطانوی ہائی کمشنر کو دُعا دیتے ہوئے لکھا کہ میرے دوست آپ پر خدا کی رحمت ہو۔