اپر چترال: دو موٹر سائیکل سوار مستوج پل سے دریا میں جاگرے،ایک لاپتہ ،دوسرے کوبچالیاگیا

اپر چترال،باغی ٹی وی (گل حماد فاروقی) اپر چترال سے مستوج جاتے ہوئے دو موٹر-سائیکل سوار مستوج کے مقام پر پل خراب ہونے کے باعث دریائے چترال میں گر گئے، ریسکیو1122 کو اطلاع ملنے پر ریسکیو1122 کی ٹیم نے بروقت کارروائی کرتے ہوئے ایک نوجوان کو ابتدائی طبی امداد فراہم کرتے ہوئے ہسپتال منتقل کر دیاجبکہ دوسرے موٹر-سائیکل سوار کے لیے ریسکیو 1122 کی ٹیم دریائے چترال میں سرچ آپریشن کر رہی ہے لیکن تاحال کوئی سراغ نہ مل سکا،

ابتدائی معلومات کے موٹرسائیکل سوار اپر چترال پرواک سے مستوج جارہے تھے کہ مستوج پل میں واقعہ پیش آیا، یاد رہے کہ مستوج پل سیلابی صورتحال کے باعث جزوی طور پر متاثر ہو چکا ہے۔

یہ پل پچھلے سال بھی سیلاب کی وجہ سے کافی متاثر ہوا تھا مگر متعالقہ اداروں اور حکام نے اس کی حفاظت کیلئے کوئی حاص قدم نہیں اٹھایا۔ اب حالیہ تباہ کن سیلاب کی وجہ ایک بار پھر اس پل میں شگاف پڑ گیا اور یہ موٹر سایکل سوار اسی شگاف والی جگہ سے دریائے یارخون میں گر گئے جس کی وجہ سے ایک بندہ جاں بحق ہوا جس کی تلاش جاری ہے اور دوسرے کو زندہ بچالیا گیا۔

Leave a reply