fbpx

فرح خان کا اثرورسوخ اورتعلقات :اہل علاقہ کوبھرپورفائدہ دیا:مقامی لوگ خوش

شیخوپورہ :فرح خان نےتعلقات سے اہل علاقہ کوبھرپورفائدہ دیا:مقامی لوگ خوش،اطلاعات کے مطابق خاتون اول کی دوست فرح کا گاؤں چند ہی سال میں پنجاب کے تمام دیہات سے زیادہ ترقی یافتہ نظر آنے لگا

دوسری طرف مقامی لوگوں کا کہنا ہے کہ وہ تصور بھی نہیں کرسکتے تھے کہ کوئی اس دورافتادہ گاوں کی حالت زار پرتوجہ دے گا لیکن ہم مشکور ہیں فرح خان کے کہ جس نے اپنے اثرورسوخ سے گاوں کی حالت ہی بدل ڈالی ہے

مقامی لوگوں‌ کا کہنا ہے کہ وہ فرح خان کے انتہائی مشکور ہیں‌کہ انہوں نے اپنے آبائی گاوں سے محبت قائم رکھی

یاد رہے کہ خاتون اول بشریٰ بی بی کی دوست فرح خان پر آج کل اپوزیشن کی جانب سے کرپشن کے الزامات لگائے جا رہے ہیں۔

فرح خان پنجاب حکومت میں کس قدر اثرورسوخ رکھتی تھیں، اس کا اندازہ ضلع شیخوپورہ میں واقع اُن کے دوردراز گاؤں موضع گھنگ میں ہونے والےشاندار ترقیاتی کام دیکھ کر لگایا جا سکتا ہے۔

چند سال میں پنجاب کے تمام دیہات سےزیادہ ترقی یافتہ نظر آنے والے اس گاؤں میں اسپتال، اسکول اورسڑکیں نہایت کم وقت میں بنائی گئیں۔

خیال رہے کہ خاتون اول بشریٰ بی بی کی قریبی دوست فرح خان پاکستان چھوڑ کر جا چکی ہیں اور ان دنوں متحدہ عرب امارات میں مقیم ہیں۔

اپوزیشن جماعتوں اور پی ٹی آئی رہنما عبدالعلیم خان کی جانب سے فرح خان پر کرپشن کا الزام لگایا گیا ہے۔