ملک کو اپنے ہی لوگوں سے خطرہ ہے ،فرحان سعید اور مریم نفیس کی فردوس اور مندو خیل کی ویڈیو پر شدید مذمت

0
22
ملک کو اپنے ہی لوگوں سے خطرہ ہے ،فرحان سعید اور مریم نفیس کی فردوس اور مندو خیل کی ویڈیو پر شدید مذمت

اداکارہ مریم نفیس اور گلوکار فرحان سعید نے سوشل میڈیا پر وائرل فردوس عاشق اعوان اور قادر مندوخیل کی تلخ کلامی اور ہاتھا پائی کی ویڈیو پر ردعمل دیا ہے۔

باغی ٹی وی :اداکارہ مریم نفیس نے اپنے ٹوئٹ میں کہا کہ ٹوئٹر سے لے کر انسٹاگرام تک ہر جگہ لائیو شو میں تلخ کلامی کی ویڈیو زیرگردش ہے-


اداکارہ نے لکھا کہ کوئی احتساب وغیرہ ہوتا بھی ہے یا نہیں۔ ہیش ٹگ کا استعمال کرتے ہوئے انہوں نے واقعے کی مذمت کرتے ہوئے لکھا کہ کیا بن گئے ہیں ہم؟

دوسری جانب معروف گلوکار فرحان سعید نے بھی مذکوری وائرل ویڈیو پر شدید ردعمل دیا-


فرحان سعید نے لکھا کہ تھپڑ ، چانٹیں ، گالیاں، طعنےاور میمز کیا چل رہا ہے ملک میں؟ خدا کے لئے ایک قوم بنیں نہ کہ ایک ہجوم ، اللہ کی قسم پاکستان کو کسی سے خطرہ نہیں سوائے پاکستانیوں کے ابھی بھی ٹائم ہے ہمیشہ نہیں رہے گا-

واضح رہے کہ گزشتہ روز وزیر اعلی پنجاب عثمان بزدار کی معاون خصوصی فردوس عاشق اعوان کی پیپلز پارٹی کے رہنما قادر مندو خیل سے ہاتھا پائی اور تلخ کلامی کی ویڈیو لیک ہوگئی تھی۔

فردوس عاشق اعوان کو سپورٹ کرنے پر حمائمہ ملک شدید تنقید کا نشانہ بن گئیں

Leave a reply