محمد عامر نے قومی اسکواڈ کو کیا جوائن،فاسٹ باؤلر حارث رؤف انگلینڈ کب روانہ ہوں گے؟ پی سی بی نے بتا دیا

فاسٹ باؤلر حارث رؤف انگلینڈ کب روانہ ہوں گے؟ پی سی بی نے بتا دیا
باغی ٹی وی کی رپورٹ کے مطابق پاکستان کرکٹ بورڈ نے ایک اعلامیہ میں کہا ہے کہ کوویڈ19 کے دوسرے ٹیسٹ کی رپورٹ منفی آنے کے بعد فاسٹ باؤلر محمد عامر نے ڈربی میں موجود قومی اسکواڈ کو جوائن کرلیا ہے۔

محمد عامر 24 جولائی کو لاہور سے ڈربی روانہ ہوئے تھے۔ برطانوی حکومت کی گائیڈ لائنز کے مطابق آئسولیشن میں پانچ روزگزارنے کے ساتھ ساتھ ان کے کوویڈ19 کے 2 ٹیسٹ منفی آنا ضروری تھے۔

دوسری طرف پی سی بی تصدیق کرتا ہے فاسٹ باؤلر حارث رؤف کا بدھ کو لیا گیا دوسرا ٹیسٹ بھی منفی آیاہے۔ گذشتہ تین روز میں 2 ٹیسٹ کی رپورٹس منفی آنے پرفاسٹ باؤلر حارث رؤف انگلینڈ کے لیے سفر کرنے کے اہل ہوگئے ہیں۔

حارث رؤف رواں ہفتے کے آخر میں انگلینڈ روانہ ہوجائیں گے۔ اس حوالے سے مزید تفصیلات مقررہ وقت پر جاری کردی جائیں گی۔

جواب چھوڑیں

آپ کا ای میل ایڈریس شائع نہیں کیا جائے گا.