ایف اے ٹی ایف کا لمبا چوڑا پلان ہے، اچھے کی امید رکھنی چاہئے،حماد اظہر

0
24

وفاقی وزیر حماد اظہر نے کہا ہے کہ آئی ایم ایف کے بیشتر اہداف پورے کر چکے ہیں، ایف اے ٹی ایف کا لمبا چوڑا پلان ہے، اچھے کی امید رکھنی چاہئے،

باغی ٹی وی کی رپورٹ کے مطابق حماد اظہر نے اسلام آباد میں میڈیا سے گفتگو کرتے ہوئے کہا کہ آئی ایم ایف کے بیشتر اہداف پورے کرچکےہیں، اب ملک بحرانی کیفیت سے نکل آیاہے ، ہماری حکومت نےمعیشت کوسنبھالا دیا، زرمبادلہ کے ذخائربڑھ رہے ہیں، اتنے بڑے بحران سے سخت اقدامات کیے بغیرنکلنا مشکل تھا،

حماد اظہر کا مزید کہنا تھا کہ تیل کی قیمتیں مستحکم رہیں تومہنگائی کی شرح کم ہوگی، مانیٹری پالیسی کے تعین کا اختیار اسٹیٹ بینک کودیاہے، اسٹیٹ بینک نےپیغام دیاہےکہ معیشت استحکام کی جانب گامزن ہے،گزشتہ سال کی نسبت کرنٹ اکاؤنٹ خسارےمیں 32فیصدکمی آئی ، معیشت تیزی کےساتھ مستحکم ہورہی ہے، روپے کی قدرمستحکم ہورہی ہے،بیرونی خسارے میں تیزی سے کمی آرہی ہے،

حماد اظہر نے مزید کہا کہ ایف اے ٹی ایف کا بڑا لمبا چوڑا پلان ہے،کام بہت ہونے والا ہے،چارماہ میں بہت پیشرفت ہوئی ، ایف اے ٹی ایف کے سوالوں کے اچھے جوابات دیئے، ہمیں اچھے کی امید رکھنی چاہیے.

 

حماد اظہر کا کہنا تھا کہ ایف اے ٹی ایف کی ٹیم کے ساتھ مذاکرات اچھے رہے ہیں، تکنیکی سطح پر 4 ماہ کی کارکردگی پربریفنگ دی ہے،پاکستان نے 4 سے 5 ماہ میں اہداف حاصل کیے،

وفاقی وزیر کا کہنا تھا کہ تکنیکی وفد پاکستان کی بریفنگ پررپورٹ مرتب کرے گا،آئندہ ماہ ایف اےٹی ایف کے رکن ممالک کورپورٹ پیش کی جائے گی، ایف اے ٹی ایف کی تکنیکی ٹیم سےبات چیت ہوئی ہے .

ایف اے ٹی ایف سے مذاکرات میں پاکستان کے 15 رکنی وفد نے شرکت کی جس کی سربراہی وفاقی وزیر حماد اظہر نے کیت تھی ،ایف اے ٹی ایف ٹیم کی قیادت امریکہ کی مس کرسٹین نے کی ،ایف اے ٹی ایف کی مذاکراتی ٹیم میں بھارت کے 5ارکان بھی شامل ہیں ،ایف اے ٹی ایف کی ٹیم کے دیگر حکام میں برطانیہ اور چین ،جرمنی، فرانس اور جاپان کے نمائندے بھی شامل ہیں

ایف اے ٹی ایف مذاکرات کا دوسرا دور ہو گا آج

دوسری جانب پاکستان کے بلیک لسٹ میں شامل کرنے کاخطرہ ٹل چکا ہے،  اجلاس میں پاکستان نے ایف اے ٹی ایف کے 125 سوالات کے جواب دئیے جو ایف اے ٹی ایف نے ای میل کئے تھے،اجلاس میں بینکنگ، نان بینکنگ اور فنانشنل سیکٹر کی سپروائزری صلاحیت میں اضافہ کے حوالے سے سٹیٹ بینک کی رپورٹ بھی پیش کی جائے گی۔ اجلاس کے بعد ایف اے ٹی ایف پاکستان کو گرے لسٹ سے نکالنے کا فیصلہ کرے گا۔

ایف اے ٹی ایف مذاکرات میں بھارتی نمائندے پاکستان کے خلاف سازشوں سے باز نہ آئے اور دائرہ کار سے باہر رہ کر سوال کئے جس کے پاکستانی وفد نے منہ توڑ جواب دیئے

اجلاس کے بعد وفاقی وزیر حماد اظہر نے وزیر اعظم عمران خان سے رابطہ کیا تھا .باغی ٹی وی کی رپورٹ کے مطابق حماد اظہر نے وزیر اعظم کو پہلے روز ہونے والے مذاکرات کے بارے میں بریفنگ دی،حماد اظہر نے وزیراعظم عمران خان کو ایف اے ٹی ایف کی جانب سے پوچھے گئے سوالات سے آگاہ کیا ،وزیر اعظم کو پاکستان کی طرف سے دیئے گئے جوابات کے بارے میں بھی بریفنگ دی گئی.

پاکستان نے ایف اے ٹی ایف کو 125 اضافی سوالات پر ارسال رپورٹ کا جائزہ، کالعدم تنظیموں کے اثاثے منجمد کرنے، کالعدم تنظیوں کی سرگرمیاں روکنے، منی لانڈرنگ، دہشت گردوں کی مالی معاونت روکنے، کرنسی کی غیر قانونی ترسیل پر قابو پانے پر بریفنگ دی، مذاکرات میں سونے کا کاروبار رجسٹرڈ بنانے پربھی بات چیت کی گئی،ایف اے ٹی ایف کا کہنا ہے کہ سونے کے لین دین میں شناختی کارڈ نمبر ضروری قرار دیا جائے،

ایف اے ٹی ایف کا ایک بار پھر ڈومور، کالعدم تنظیموں کیخلاف کیا کیا؟ رپورٹ طلب

ایف اے ٹی ایف کا پاکستان کی کوششوں کا اعتراف، ڈومور بھی کہہ دیا

ایف اے ٹی ایف اجلاس، حماد اظہر کا وزیراعظم عمران خان سے رابطہ

ایف اے ٹی ایف، گرے لسٹ سے نکلنے کے لئے پاکستان نے کیا بڑا فیصلہ

Leave a reply