فواد عالم کی پہلی ویب سیریز ’خودکش محبت‘ کا ٹریلر جاری

0
31

کرکٹ کے میدان سے اداکاری کی دنیا میں قدم رکھنے والے پاکستانی کرکٹر فواد عالم کی پہلی ویب سیریز ’خودکش محبت‘ کا ٹریلر جاری کردیا گیا۔

باغی ٹی وی: قومی کرکٹ ٹیم کے آل راؤنڈر فواد عالم ویب سیریز’خود کش محبت‘ میں اداکاری کے جوہر دکھانے جارہے ہیں خودکش محبت‘ اگرچہ فواد عالم کا پہلا بڑا شوبز منصوبہ ہے تاہم اس سے قبل وہ کچھ مزاحیہ ڈراموں میں مہمان اداکار کے طور پر اداکاری کر چکے ہیں جب کہ وہ مختلف اشتہارات میں ماڈلنگ بھی کرتے دکھائی دیتے ہیں۔


تاہم اب جلد ہی وہ ’اردو فلکس‘ کی رومانوی سیریز ’خودکش محبت’ میں ایکشن میں دکھائی دیں گے’خودکش محبت‘ کے ڈیڑھ منٹ دورانیے کے ٹریلر کو دیکھ کر کہانی کا اندازہ لگانا مشکل ہے تاہم عندیہ ملتا ہے کہ ویب سیریز کی کہانی صرف رومانس تک محدود نہیں۔

ویب سیریز کے پوسٹر اور ٹریلر کو مداحوں کی جانب سے خوب پسند کیاگیا۔

مختصر ٹریلر میں فواد عالم کو محبت میں گرفتار ہوتے ہوئے اور پھر محبت کی خاطر جبر و تشدد برداشت کرتے ہوئے بھی دکھایا گیا ہے۔

ٹریلر سے عندیہ ملتا ہے کہ فواد عالم کا تعلق قدرے مذہبی گھرانے سے ہے اور حیران کن طور پر انکی محبت بھی بڑے مذہبی گھرانے کی خوبصورت لڑکی سے ہوجاتی ہے۔

ٹریلر میں فواد عالم اور مرکزی اداکارہ فاریہ حسن کو ایک دوسرے کی محبت میں گرفتار ہوتے ہوئے دکھایا گیا ہے، ساتھ ہی دکھایا گیا ہے کہ ان کی محبت میں کس طرح خاندان والے آڑے آتے ہیں۔

’خودکش محبت‘ کی ہدایات راؤ ایاز شہزاد نے دی ہیں جب کہ اسے اردو فلکس کے ہی فرحان گوہر پروڈیوس کر رہے ہیں ’خود کش محبت‘ رمضان کے مہینے میں اردو فلکس پر پیش کی جائے گی۔

حال ہی میں انڈیپنڈنٹ اردو کو دئیے گئے انٹرویو میں فواد عالم نے کرکٹ کے میدانوں سے اچانک اداکاری کی دنیا میں قدم رکھنے کے حوالے سے بات کرتے ہوئے کہا کہ انہیں اداکاری کرنے کا شوق تھا اور جب انہیں موقع ملا تو انہوں نے ویب سیریز میں کام کرنے کی حامی بھرلی انہوں نے امید کی کہ ان کی ویب سیریز سب کو پسند آئے گی۔

فواد عالم سے جب پوچھا گیا کہ وہ ماہرہ خان، مہوش حیات اور مایا علی ان تینوں اداکاراؤں میں سے کس کے ساتھ کام کرنا چاہیں گے تو انہوں نے کہا کہ وہ ان تینوں کے ساتھ کام کرنا چاہیں گے کیا پتہ یہ سب ایک ساتھ کام کرلیں۔

فواد عالم نے اپنی بات میں اضافہ کرتے ہوئے کہا ان تین ہیروئنز میں سے جس نے ان کے ساتھ کام کیا وہ ان کے لیے فخر کی بات ہوگی کیونکہ یہ جانے مانے نام ہیں اور ان سے بہت کچھ سیکھنے کو ملے گا۔

واضح رہے کہ فواد عالم کی ویب سیریز ’خودکش محبت‘ میں اداکارہ فاریہ حسن ان کے مقابل مرکزی ادا کررہی ہیں۔ یہ ایک رومانوی ویب سیریز ہے جس میں فواد عالم کو فاریہ حسن کی محبت میں گرفتار دکھایا گیا ہے۔

آل راؤنڈر کرکٹر فواد عالم کا اداکاری کے میدان میں بھی قسمت آزمانے کا فیصلہ

’لفافہ ڈائن‘ ان صحافیوں کی کہانی پر مبنی ویب سیریز جو لفافہ لے کر صحافت کرتے ہیں

Leave a reply