وفاقی وزیر فواد چوہدری فیملی سمیت ترک ڈرامہ کورلش عثمان کے سیٹ پر پہنچ گئے

وفاقی وزیر سائنس و ٹیکنالوجی فواد چوہدری اور ان کی فیملی کی کورلش عثمان سیزن 2 کے مرکزی کردار براق کے ساتھ تصاویر وائرل-

باغی ٹی وی : ترک ڈرامہ سیریل دیریلس ارطغرل کو گزشتہ برس اپریل میں وزیراعظم عمران خان کی ہدایت پر اردو میں ڈب کر کے پاکستان کے سرکاری ٹی وی پی ٹی وی پر نشر کیا جا رہا ہے پاکستان میں نا صرف ارطغرل غازی ڈرامے کو بے مقبولیت حاصل ہو ئی بلکہ اس کے کرداروں کو پاکستان میں بے حد پذیرائی اور محبت ملی-

صرف ارطغرل غازی ہی نہیں بلکہ اس کے دوسرے سیزنز کورلش عثمان کو بھی بے حد سراہا جا رہا ہے اسلامی فتوحات پر مبنی ان ترک ڈراموں کو نہ صرف پاکستانی عوام کی جانب سے پسند کیا گیا بلکہ اس کے سیاسی و سماجی اور شوبز معروف شخصیات بھی اس کے سحر میں مبتلا نظر آ رہے ہیں جن میں پاکستان کے وفاقی وزیر سائنس و ٹیکنالوجی چوہدری فواد بھی شامل ہیں-

وفاقی وزیر سائنس و ٹیکنالوجی چوہدری فواد اپنی اہلیہ اور بچوں کے ہمراہ کورلش عثمان کے سیٹ پر پہنچ گئے ڈرامے سیٹ اور ترک فنکاروں کے ساتھ تصاویر بنوائیں جو کہ سوشل میڈیا پر تیزی سے وائرل ہو رہی ہیں-

سماجی رابطے کی ویب سائٹ انسٹاگرام پر مختلف پیجز پر وفاقی وزیر کی ترک اداکار کے ساتھ تصاویر وائرل ہو رہی ہیں جن میں دیکھا جا سکتا ہے کہ فواد چوہدری اپنی اہلیہ اور بچوں کے ہمراہ کورلش عثمان کے مرکزی کردار براق کے ساتھ ڈرامے کے سیٹ پر ترکی کے شہر ریوا میں موجود ہیں-

ارطغرل غازی کے ابن عربی اداکار فیروزخان کے ساتھ کام کرنے کے خواہشمند

بھارتی مداح نے ارطغرل غازی کے نام سے ریسٹورنٹ کھول لیا