فواد حسن فواد کی ضمانت پر شہباز شریف میدان میں آ گئے، کیا کہا؟

0
29

فواد حسن فواد کی ضمانت پر شہباز شریف میدان میں آ گئے، کیا کہا؟
باغی ٹی وی کی رپورٹ کے مطابق شہبازشریف نے سابق پرنسپل سیکریٹری فواد حسن فواد کی ضمانت کو خوش آئند قرار دیا،شہباز شریف کا کہنا تھا کہ آج ایک اور بے گناہ کو انصاف ملا

شہباز شریف نے مزید کہا کہ فواد حسن فواد ایماندار، قابل اور ذہین افسر ہیں،فواد حسن فواد نے خلوص دل سے پاکستان اور عوام کی خدمت کی

واضح رہے کہ لاہورہائیکورٹ نے فواد حسن فواد کی درخواست ضمانت منظور کرلی،فوادحسن فواد نواز شریف کے سابق پرنسپل سیکریٹری تھے

فوادحسن فواد کو10،10لاکھ روپے کے مچلکے جمع کرانے کی ہدایت کی گئی، فواد حسن فواد کو 2018 میں گرفتار کیا گیا تھا، مچلکے احتساب عدالت میں جمع کروائے جائیں گے

فواد حسن فواد نے اشترعلی اوصاف اور امجد پرویز ایڈوکیٹس کی وساطت سے درخواست دائر کی ،درخواست میں وزرات قانون و انصاف ,چیرمین نیب سمیت دیگر کو فریق بنایا گیا ہے

فواد حسن فواد نے عدالت میں دائر درخواست میں کہا کہ نیب نے آمدن سے زائد اثاثوں کے کیس میں 15ماہ سےگرفتار کر رکھاہے،15ماہ کا عرصہ گزرنے کے باجود ریفرنس میں فرد جرم عائد نہیں کی جاسکی، راولپنڈی میں واقع کیثراالمنزلہ پلازے سے کوئی تعلق نہیں،

درخواست میں مزید کہا گیا کہ دوران ملازمت کوئی بھی ناجائز فائدے حاصل نہیں کیے،شدید بیماری میں مبتلا ہوں جس کا علاج جیل میں ممکن نہیں،

Leave a reply