فیاض الحسن چوہان کی تیسری بارچُھٹّی:نئے ترجمان کا اعلان بھی ہوگیا،چوہان پریشان ہوگیا

0
34

لاہور:فیاض الحسن چوہان کی تیسری بارچُھٹّی:نئے ترجمان کا اعلان بھی ہوگیا،چوہان پریشان ہوگیا ،اطلاعات کےمطابق فیاض الحسن چوہان سے ترجمان پنجاب حکومت کا عہدہ واپس لے لیا گیا۔

فیاض الحسن چوہان کو ترجمان حکومت کے عہدے سے ہٹا دیا گیا۔ حکومت نےحسان خاور کو حکومت پنجاب کا ترجمان مقرر کر دیا۔ حسان خاور کی تقرری کا نوٹیفکیشن بھی جاری کردیا گیا۔

فیاض الحسن چوہان کا عہدے سے ہٹائے جانے پر کہنا ہے کہ مجھے ابھی اس حوالے سے علم نہیں، کچھ دیر میں تفصیلات لے کر میڈیا کو آگاہ کرتا ہوں۔میں کرکٹ کی بحالی کےلئے گورنر ہاؤس میں میچ پریکٹس کر رہا ہوں۔

اس سے قبل بھی فیاض الحسن چوہان سے جب عہدہ واپس لیا گیا تھا تو وہ پریس کانفرنس کررہے تھے اور اس دوران ان سے عہدے کی واپسی سے متعلق پوچھا گیا تھا جس پر ان کے چہرے کے تاثرات تبدیل ہوگئے تھے جبکہ آج بھی ایسا ہی دیکھنے کو ملا کہ جب وہ بطور ترجمان پنجاب حکومت پریس کانفرنس کررہے تھے تو انہیں عہدے سے ہٹائے جانے کا علم ہوا۔

Leave a reply