fbpx

وجیہہ سواتی قتل کیس،ایف بی آئی ٹیم نے موبائل فون عدالت جمع کروا دیئے

پاکستانی نژاد امریکی خاتون وجیہہ سواتی قتل کیس امریکن ایف بی آئی ٹیم نے وجیہہ سواتی کے ذاتی موبائل فون عدالت جمع کروا دیئے

وجیہہ سواتی کے ذاتی فون امریکہ ورجینیا میں قائم لیبارٹری سے فارنزک کروائے گئے پولیس اور ایف آئی اے وجیہہ سواتی کے موبائل فونز کا ڈیٹا حاصل کرنے میں ناکام رہے تھے۔ وجیہہ سواتی کا ڈی این اے ٹیسٹ بھی امریکہ میں دوبارہ کروایا گیا ۔ ایف بی آئی ٹیم موبائل فونز ڈیٹا اور ڈی این اے رپورٹ جمع کرانے کیلئے عدالت سے اجازت طلب کر لی

وجیہہ سواتی کے موبائل فونز اور ڈی این اے ٹیسٹ کو ریکارڈ کا حصہ بنایا جائے گا وجیہہ سواتی کو اسکے شوہر رضوان حبیب نے تھانہ مورگاہ کے علاقے میں قتل کیا تھا وجیہہ سواتی قتل کیس میں پانچ ملزمان قید ایک ملزم ضمانت پر ہے کیس کی سماعت ایڈیشنل ڈسٹرکٹ اینڈ سیشن جج محمد افضل مجوکہ نے کی ،وجیہہ سواتی قتل کیس کی آئندہ سماعت 29 اپریل کو ہو گی

پاکستانی نژاد امریکی شہری وجیہہ سواتی اپنے سابق شوہر رضوان حبیب سے جائیداد کا معاملہ حل کرنے پاکستان آئی تھیں۔ وجیہہ کے سابق شوہر نے انہیں قتل کرنے کا اعتراف کرتے ہوئے بتایا تھا کہ اس نے اپنی سابقہ اہلیہ کو پاکستان پہنچتے ہی اغوا کیا تھا اورقتل کرکے لاش ڈیرہ اسماعیل خان کے علاقے لکی مروت میں دفنائی تھی۔

ملزم نے پولیس کو دئیے گئے بیان میں بتایا کہ وجیہہ کی لاش کو گاڑی میں مہارت کے ساتھ چھپا کر خیبر پختونخوا میں ایک قریبی رشتہ دار کے گھر لےگیا اور ان کے کمرے میں تدفین کی۔ملزم نے پولیس کو بتایا کہ قتل کے بعد پولینڈ جاکر پناہ اور شہریت لینےکا منصوبہ بنایا تھا جس کے لیے پاسپورٹ بھی حاصل کرلیا تھا۔

 وجیہہ سواتی قتل کیس، پہلےشوہرکی بند فائل 7سال بعد دوبارہ کھل گئی

اغواء کے بعد قتل ہونے والی وجیہہ سواتی کی میت امریکہ نے منگوالی 

وجیہہ سواتی کا پوسٹمارٹم مکمل،لاش سرد خانے منتقل،قتل کی دہشتناک واردات،خطرناک انکشافات 

وجہیہ سواتی کی لاش کو ٹھکانے لگانے والے بھی سامنے آگئے ،

:پاکستانی نژاد امریکی خاتون کواغوا کس نے کیا اورقتل کس نےکیا؟دفن کہاں کیا؟تفصیلات آگئیں