پاکستان میوزک انڈسٹری کی معروف گلوکارہ آئمہ بیگ کے گرد اثاثے چھپانے پر فیڈرل بورڈ آف ریونیو (ایف بی آر) نے گھیرا تنگ کر دیا ہے۔
باغی ٹی وی : پاکستانی نجی ٹی وی نے ذرائع کے حوالے سے دعویٰ کیا ہے کہ گلوکارہ آئمہ بیگ نے ایف بی آر سے اپنی بینک ٹرانزیکشن چھپائیں جس پر ایف بی آر گلوکارہ آئمہ بیگ کے خلاف حرکت میں آگیا ہے۔
ایف بی آر نے گلوکارہ کا دو سالوں کا آڈٹ کرتے ہوئے زوکاز نوٹس جاری کر کے پندرہ روز میں جواب طلب کر لیا-
ذرائع کے مطابق ایف بی آر نے آئمہ بیگ سے 2 سال کے اثاثہ جات اور بینک ٹرانزیکشن کی تفصیلات طلب کر لی ہیں جبکہ گلوکارہ کو جواب جمع کروانے کے لیے 15 روز کی مہلت دی گئی ہے۔