fbpx

مشیر تجارت کا ایف بی آر سے تاجروں کی گرفتاری کا اختیار واپس لینے کا اعلان

مشیر برائےتجارت عبدالرزاق داؤد کا کہنا ہے کہ فیڈرل بورڈ آف ریونیو (ایف بی آر) سے تاجروں کی گرفتاری کا اختیار واپس لے رہے ہیں-

باغی ٹی وی : اطلاعات کے مطابق لاہور چیمبر کے دورے کے موقع پر رزاق داؤد کا کہنا تھا کہ پاکستان کو مینوفیکچرنگ حب بنانے پر توجہ مرکوز ہے، وسط ایشیائی ریاستوں سے تجارت بہت کم ہے ازبکستان سے ٹرانزٹ ٹریڈ ایگریمنٹ کرنے جارہے ہیں۔

رزاق داؤد نے کہا کہ افغانستان سے بھی تجارت اور امن پر بات چیت جاری ہے جبکہ ایف اے ٹی ایف کی گرے لسٹ سے جلد باہر نکل آئیں گے۔

انہوں نے مزید کہا کہ ایف بی آر سے تاجروں کی گرفتاری کا اختیار واپس لے رہے ہیں، تاجروں کے دیگر تحفظات پر وزیر خزانہ سے بات کریں گے۔

دوسری جانب صدر لاہور چیمبر طارق مصباح نے مطالبہ کیا کہ امپورٹ پر ایف بی آر کی مداخلت مکمل طورپر بند کی جائے اورکمرشل امپورٹرز کو ایڈوانس ادائیگی پر سامان منگوانے کی اجازت دی جائے-