کراچی والو: ذرا جا گ کہ رہنا :بحیرہ عرب میں ممکنہ سمندری طوفان’شاہین’ کا خدشہ،وارننگ جاری کردی گئی

کراچیکراچی والو: ذرا جا گ کہ رہنا :بحیرہ عرب میں ممکنہ سمندری طوفان’شاہین’ کا خدشہ،وارننگ جاری کردی گئی ،اطلاعات کے مطابق محکمہ موسمیات نے بحیرہ عرب میں ممکنہ سمندری طوفان ‘شاہین’ کے خدشے کے پیش نظر سندھ اور مکران ساحلی پٹی پر طوفانی بارش اور آندھی کی وارننگ جاری کردی جبکہ صوبائی وشہری حکومت نے متوقع طوفانی برسات کے پیش نظر رین ایمرجنسی نافذ کردی ہے۔

محکمہ موسمیات کے مطابق ڈپریشن آج رات تک ڈیپ ڈپریشن بن جائے گا جبکہ کل صبح سمندری طوفان بننے کے قوی امکانات ہیں،سسٹم 20 کلو میٹر فی گھنٹہ کی رفتار سے آگے بڑھ رہا ہے۔

ممکنہ سمندری طوفان کے حوالے سے محکمہ موسمیات کی جانب سے مزید بتایا گیا کہ ڈپریشن اس وقت کراچی سے 240،ٹھٹھہ سے 200 اور اوڑمارہ سے 410 کلو میٹر کے فاصلے پر ہے، آج رات سے تیز بارش اور آندھی چلنے کے بھی امکانات ہیں۔

محکمہ موسمیات کا کہنا تھا کہ اس دوران ہوا کی رفتار 75 تا 80 کلو میٹر فی گھنٹہ ہوسکتی ہے،سمندر میں طغیانی رہے گی اور معمول سے اونچی لہریں بلند ہونے کے امکانات ہیں جبکہ سمندر میں طغیانی اور اونچی لہروں کے سبب ماہی گیروں کو گہرے سمندر میں نہ جانے کی ہدایت کردی گئی ہے۔

قبل ازیں محکمہ موسمیات نے اگلے 24 گھنٹوں کے دوران بحیرہ عرب میں طوفان بننے کی پیشگوئی کی تھی ۔ بارش کے پیش نظر متعلقہ ادروں کو حفاظتی اقدامات مکمل کرنے کی بھی ہدایت جاری کر دی گئی ہیں۔

اس وقت بحیرہ عرب میں شدید ہوا کا کم دباؤ ہے جو ڈیپ ڈپریشن کی شکل اختیار کرسکتا ہے اگر طوفان بنا تو اس کا نام شاہین رکھا جائیگا، جو قطر کا تجویز کردہ ہے۔

اس سے قبل 2007 میں بھی اسی طرح کا سائیکلون بنا تھا۔ چیف میٹرولوجسٹ سردار سرفراز کے مطابق شہر میں اربن فلڈنگ کا خطرہ ہے۔ ہواؤں کی رفتار 70 سے 80 کلو میٹر فی گھنٹہ تک بڑھ سکتی ہے۔

دوسری جانب تیز ہواؤں کے باعث فریئر ہال پارک کے قریب بجلی کا پول گاڑی پر گرگیا۔ ایک درخت بھی تیز ہواؤں کے باعث اکھڑ گیا، واقعہ میں کوئی جانی نقصان کی اطلاع نہیں۔ محکمہ موسمیات کے مطابق رات میں تیز بارش ہوسکتی ہے۔ جبکہ کل شہر قائد میں موسلا دھا ر بارش کا امکان ہے۔