ایف آئی اے نے پی ایس ایل کو بدنام کرنے کی بھارتی سازش ناکام بنادی

کراچی:ایف آئی اے نے پی ایس ایل کو بدنام کرنے کی بھارتی سازش ناکام بنادی ،اطلاعات کے مطابق پی ایس ایل کو شفاف رکھنے کے لیے ایف آئی اے نے کارروائی کرتے ہوئے اسے بدنام کرنے کی سازش ناکام بنا دی۔

ایف آئی اے ذرائع کے مطابق ایف آئی اے نے بھارتی بکیوں کے ساتھ رابطہ رکھنے والے بین الاقوامی گروہ کے 3 اہم کارندے گرفتار کر لیے، ملزمان میں مہیندر کمار، نریش کمار، نریش کمار عرف جانی شامل ہیں۔

ایف آئی اے ذرایع کے مطابق ملزمان انٹرنیٹ کے ذریعے بیرون ملک گروپ سے رابطے میں تھے، بھارتی بکیوں سے تانے بانے ملتے ہیں، ملزمان سے لیپ ٹاپ اور موبائل فون برآمد ہوئے ہیں۔

ایف آئی اے نے ملزمان کے خلاف مقدمہ درج کر لیا، ملزمان مختلف بینکوں میں بے نامی اکاؤنٹس چلا رہے تھے، حوالہ ہنڈیوں کے کام میں بھی ملوث تھے، گروپ میں بدنام زمانہ بکی بھی شامل ہیں۔

خیال رہے کہ پاکستان میں پی ایس ایل 5 کے سنسنی خیز میچز جاری ہیں، اب تک 8 میچز کھیلے جا چکے ہیں جن اسلام آباد یونائیٹڈ، کوئٹہ گلیڈی ایٹرز اور ملتان سلطانز نے دو دو میچز جیتے ہیں جب کہ کراچی کنگز اور پشاور زلمی ایک ایک میچ جیت چکے ہیں۔

جواب چھوڑیں

آپ کا ای میل ایڈریس شائع نہیں کیا جائے گا.