fbpx

فیفا ورلڈ کپ؛ سینیگال کی اِیکواڈور کے خلاف فتح، ناک آؤٹ راؤنڈ میں رسائی

دوحہ: فیفا ورلڈ کپ میں سینیگال نے اِیکواڈور کو شکست دے کر ناک آؤٹ مرحلے میں رسائی حاصل کرلی۔خلفیہ انٹرنیشنل اسٹیڈیم میں کھلیے گئے میگا ایونٹ کے 33 ویں میچ میں سینیگال نے اِیکواڈور کو 1 کے مقابلے میں 2 گول سے شکست دے دی۔

سینیگال کی جانب سے اسماعیلا سار نے 44 ویں منٹ میں پینلٹی پر گول اسکور کرتے ہوئے ٹیم کو برتری دلائی جس کو اِیکواڈور کے موئسز کائسیڈو نے 67 ویں منٹ میں برابر کر دیا۔70 ویں منٹ میں کالِیڈو کولیبالی نے دوسرا گول اسکور کر کے سینیگال کو ایک بار پھر برتری دلائی جو میچ ختم ہونے تک برقرار رہی۔

گروپ اے کے پوائنٹس ٹیبل پر دوسری پوزیشن پر موجود سینیگال نے نیدرلینڈز کے بعد ناک آؤٹ مرحلے میں رسائی حاصل کرلی۔

دوسری طرف فیفا ورلڈ کپ میں نیدرلینڈز نے قطر کو شکست دے کر ایونٹ سے باہر کر دیا۔البیت اسٹیڈیم میں کھیلے گئے میگا ایونٹ کے 34 ویں میچ میں نیدرلینڈز نے قطر کو 0-2 سے شکست دے دی۔

نیدر لینڈز کی جانب سے کوڈی گیپکو نے 26 ویں منٹ میں پہلا گول اسکور کرتے ہوئے ٹیم کو برتری دلائی جس کو فرینک دی جونگ نے 49 ویں منٹ میں دُگنا کر دیا۔گروپ اے میں 7 پوائٹس کے ساتھ سرِ فہرست نیدرلینڈز کی ٹیم ناک آؤٹ راؤنڈ کے لیے کوالیفائی کر گئی۔

سینئرصحافی و اینکر پرسن مبشر لقمان نے سابق وزیراعظم عمران خان کے حوالہ سے اہم انکشافات کئے ہیں

آرمی چیف جنرل قمر جاوید باجوہ کے خلاف مذموم مہم پر آئی ایس پی آر کا اہم ردعمل سامنے آیا ہے

جنرل قمر جاوید باجوہ کی 6 سالہ کارکردگی،پاکستان کا سنہرا باب