ماہرہ خان کی پروڈکشن میں بننے والی فلم باراہوں کھلاڑی کے مرکزی کردار کی جھلک جاری

پاکستان شوبز انڈسٹری کی معروف اور صف اول کی عالمی شہرت یافتہ اداکارہ ماہرہ خان نے اپنی پرڈکشن میں بننے والی فلم ’بارہواں کھلاڑی‘ میں مرکزی کرداروں کا اعلان کردیا۔

باغی ٹی وی : حال ہی میں ماہرہ خان نے اپنی پروڈکشن میں بننے والی فلم ’بارہواں کھلاڑی‘ کا اعلان کیا تھا جس کے بعد سے فلم کے مرکزی کرداروں کے حوالے سے چہ مگوئیاں شروع ہوگئیں تھیں اور قیاس آرائیاں کی جا رہی تھیں کہ گلوکارعلی ظفر کے بھائی دانیال ظفر اس فلم میں دکھائی دیں گے-

تاہم اب خود ہی ماہرہ خان نے ٹوئٹ کرکے فلم میں کام کرنے والے اداکاروں کا اعلان کیا ہے۔ ماہرہ خان نے اپنے تصدیق شدہ انسٹاگرام اکاؤنٹ پر فلم کا پوسٹر جاری کیا ہے جس میں اداکار دانیال ظفر اور شاہ ویر جعفری بیٹھے نظر آرہے ہیں۔

خیال رہے کہ فلم ’بارہواں کھلاڑی‘ کی ہدایت کاری کے فرائض عدنان سرور سرانجام دیں گے جبکہ فلم کی کہانی دوستی، رشتہ، اتحاد، ناکامی، کامیابی، ناکامی، محبت اور حوصلہ افزائی پر مبنی ہے۔

اداکارہ کا کہنا تھا کہ ہم نے یہ مرحلہ محبت بھری مشقت اور سخت محنت سے طے کیا ہے، ہماری یہ کوشش آپ کے لیے ہے۔

اس سے قبل ماہرہ خن نے اپنے پروڈکشن ہاؤس کی تصویر شئیر کرتے ہوئے لکھا تھا کہ ہر چیز کے پیچھے ایک کہانی ہوتی ہےاور میں کہانیوں کے لیے زندہ رہتی ہوں، انہیں سنتی ہوں اور سناتی ہوںپروڈکشن میں اپنی پہلی بار قسمت آزمائی کو مداحوں سے شیئر کرنے پر گھبرائی ہوئی ہوں اور پرجوش بھی ہوں اس سفر میں نینا کاشف سے بہتر میرے پاس کوئی نہیں ہے سول فرائی فلم میں آپ کو خوش آمدید ،آپ کا اور آپ کی کہانیوں کا ہمیشہ استقبال کیا جائے گا۔

ماہرہ خان کی پروڈکشن تلے بننے والی پہلی فلم میں کون سے اداکار جلوہ گر ہوں گے

ماہرہ خان نے اپنے پروڈکشن ہاؤس کا پہلا پروجیکٹ مداحوں کے ساتھ شئیر کر دیا

اداکارہ ماہرہ خان نے اپنا پروڈکشن ہاؤس کھول لیا

جواب چھوڑیں

آپ کا ای میل ایڈریس شائع نہیں کیا جائے گا.