fbpx

فلم کی عکس بندی کے دوران مسلح افراد کا حملہ،8 خواتین کا ریپ

ایک خاتون کو دس مردوں نے جبکہ ایک خاتون کو آٹھ مردوں نے مبینہ طور پر گینگ ریپ کا نشانہ بنایا

جنوبی افریقا کے ایک چھوٹے سے قصبے کے قریب فلم کی عکس بندی کی جگہ پرمسلح افراد نے حملہ کیا اور فلم بندی میں حصہ لینے والی 8 نوجوان خواتین کی عصمت دری کی۔

باغی ٹی وی : غیر ملکی میڈیا کے مطابق پولیس نے جمعہ کی شام کو بتایا کہ مسلح افراد نے جنوبی افریقا کے ایک چھوٹے سے قصبے کے قریب فلم کی عکس بندی کی جگہ پر حملہ کیا اور فلم بندی میں حصہ لینے والی 8 نوجوان خواتین کی عصمت دری کی۔

سعودی عرب :منی لانڈرنگ میں ملوث تین غیرملکیوں کو سزا

جنوبی افریقی پولیس حکام کے مطابق جوہانسبرگ کے مغرب میں کروگرسڈورپ کے مضافات میں جمعرات کے حملے کے تناظر میں اتوار تک تقریباً 20 مشتبہ افراد میں سے تین کو گرفتار کیا جا چکا ہے گینگ نے ورک ٹیم پر اس وقت حملہ کیا جب اس کے ارکان فلم بندی شروع کرنے کے لیے ساز و سامان اور سجاوٹ کی تیاری کر رہے تھے۔

برطانیہ میں غیرملکی کمپنیوں کو حقیقی مالکان کی شناخت کروانا ضروری قرار

انہوں نے بتایا کہ جن نوجوان خواتین پر حملہ کیا گیا ان کی عمریں 18 سے 35 سال کے درمیان تھیں ان میں سے ایک خاتون کو دس مردوں نے زیادتی کا نشانہ بنایا جبکہ ایک خاتون کو آٹھ مردوں نے مبینہ طور پر گینگ ریپ کا نشانہ بنایا ورک ٹیم کے مردوں پر بھی حملہ کیا گیا۔ ان کے کپڑے اور سامان چھین لیا گیاایسا لگتا ہے کہ مشتبہ افراد غیر ملکی ہیں، خاص طور پر غیر قانونی کان کن ہوسکتے ہیں۔

جنوبی افریقا کے صدر سیرل رامافوسا نے اعلان کیا کہ انہوں نے پولیس وزیر کو حکم دیا ہے کہ "اس جرم کے مرتکب افراد کی گرفتاری کو یقینی بنایا جائے۔

اوسطاً، جنوبی افریقا کی پولیس کو ہر 12 منٹ میں عصمت دری کی رپورٹ موصول ہوتی ہے۔ اس بڑی تعداد کے باوجود ملک میں عصمت دری کے بہت سے واقعات رپورٹ نہیں ہوتے ہیں-