فردوس عاشق اعوان نے وی ائی پی قیدی کی طرف کیا چیز منسوب کر دی؟

وفاقی وزیرفردوس عاشق اعوان نے پریس کانفرنس میں کہا ہے کہ وی آئی پی قیدی این آرو مانگ رہا تھا..

تفصیلات کے مطابق اسلام آباد میں میڈیا ٹاک کرتے ہوئے وفاقی وزیر فردوس عاشق اعوان نے کہا کہ جزا سزا سے کوئی نہیں بچ سکتا، قانون کا اطلاق سب پر ہوگا،ایک وی آئی پی قیدی این آرو مانگ رہا تھا .البتہ انہوں نے اس وی آئی پی قیدی کا نام لینےسےگریز کیا.ان کا کہنا تھا کہ یہی عمران خان کا نیا پاکستان ہے۔

وزیراعظم کی معاون خصوصی نے کہا کہ طاقتور سے احتساب کا آغاز کرنا وزیراعظم عمران خان کا عزم ہے اور طاقتور کا قانون کے شکنجے میں آنا وزیراعظم عمران خان کے وژن کی جیت ہے۔

انہوں نے کہا کہ حکومت کی اتحادی جماعتوں نے بجٹ اور دیگر ترجیحات پر مکمل حمایت کا یقین دلایا ہے۔

انہوں نے کہا کہ مسلم لیگ ق وفاق اور پنجاب میں بجٹ پاس کرانے میں ہر اول دستے کا کردار ادا کر رہی ہے اور اس کے وفد نے وزیراعظم سے ملاقات میں بجٹ منظور کرانے کا یقین دلایا ہے۔

گزشتہ روز الیکشن کمیشن نے سندھ کے ضلع گھوٹکی کا دورہ کرنے پر وزیراعظم عمران خان اور گورنر سندھ عمران اسماعیل سمیت وفاقی وزراء کو انتخابی ضابطے کی خلاف ورزی پر اظہار وجوہ کا نوٹس جاری کیا تھا۔