فردوس عاشق اعوان کھانا کھانے کہاں پہنچ گئیں؟ کہا "شریفوں” کی وجہ سے مہنگائی ہے

0
28

فردوس عاشق اعوان کھانا کھانے کہاں پہنچ گئیں؟ دیکھ کر سب حیران

باغی ٹی وی کی رپورٹ کے مطابق وزیر اعظم کی معاون خصوصی اطلاعات و نشریات ڈاکٹر فردوس عاشق اعوان نے آئی الیون پناہ گاہ کا دورہ کیا، اس دوران انہوں نے پناہ گاہوں میں مقیم افراد کے مسائل جانے ، ان کے ساتھ بات چیت کی اور کھانا بھی کھایا،

اس موقع پر فردوس عاشق اعوان نے کہا کہ یہ پناہ گاہ ریاست مدینہ کی فلاحی سوچ کی عکاس کرتی ہے جہاں 300سے زائد افراد کو قیام و طعام کی بہترین سہولیات فراہم کی جا رہی ہیں۔ وزیر اعظم کی ہدایت پر یہاں آئی ہوں اور یہاں قیام پذیر اپنے بہن، بھائیوں کے لئے پیغام لیکر آئی ہوں کہ آپ کی فلاح و بہبود ریاست کی ذمہ داری ہے اور وزیر اعظم جب ریاست مدینہ کی بات کرتے ہیں تو اس سے مراد وہ فلاحی ریاست ہوتی ہے جو ریاست کے پیسے ہوئے طبقات، بے گھر اور مہنگائی کے ستائے ہوئے لوگوں کو متبادل فراہم کرے ، انہیں سینے سے لگائے اور ان کی داد رسی کرے۔

فردوس عاشق اعوان نے مزید کہا کہ وہ نادان دوست جو لنگر خانوں اور پناہ گاہوں کا مذاق اڑاتے ہیں انہیں غریب کے دکھ اور درد کا احساس نہیں۔ ماضی کی حکومتوں کے مہنگے معاہدوں کی وجہ سے مہنگائی میں اضافہ ہوا ہے ۔ ماضی میں کی گئی منی لانڈرنگ ، کرپشن اور شریفوں کی ٹی ٹیاں مہنگائی کے اسباب ہیں ۔ وزیر اعظم عمران خان نے غریبوں کے خون پیسے کی کمائی کے پیسے کو واپس لانے کا وعدہ کیا ہے۔ آج سے پہلے کسی حکومت کو فٹ پاتھوں اور پارکوں میں کھلے آسماں تلے سونے والوں اور روزانہ دور دراز سے یہاں آنے والے غریب مسافروں کا احساس نہیں کیا،

ایک سوال کے جواب میں فردوس عاشق اعوان نے کہا کہ رکن سندھ اسمبلی شہناز انصاری کا قتل سندھ حکومت کیلئے لمحہ فکریہ ہے۔ سندھ پولیس مخصوص خاندانوں کی سکیورٹی پر مامور ہے اور سندھ کی ایک بیٹی کا یہ قتل اس کی ایک تصویر ہے، ذاتی مفاد کے لئے سندھ حکومت کی طرف سے پولیس کا اپنے ذاتی مفادات کے لئے استعمال کا اس سے بڑا اور کیا ثبوت ہو گا۔

وزیراعظم عمران خان سے فوکل پرسن برائے پناہ گاہ نسیم الرحمان نے ملاقات کی ہے، ملاقات میں ملک بھر میں پناہ گاہوں کی مزید بہتری ، دائرہ کار توسیع کرنے کے اقدامات پر گفتگو کی گئی۔

اس موقع پر وزیراعظم عمران خان کا کہنا تھا کہ بے سہارا، غریب اور نادار لوگ ریاست کی ذمہ داری ہیں، نجی شعبے پناہ گاہوں کی تعمیر میں بڑھ چڑھ کر حکومت کا ساتھ دے رہے ہیں۔ نجی شعبے کا تعاون معاشرے کی مثبت اقدار کے جذبے کی عکاسی کرتا ہے۔

گزشتہ ہفتے معاون خصوصی ڈاکٹر فردوس عاشق اعوان کا کہنا تھا کہ وزیراعظم عمران خان نے پناہ گاہوں کے منصوبے کو موثر انداز میں آگے بڑھانے کے لیے نسیم الرحمان کو فوکل پرسن تعینات کیا ہے۔

واضح رہے کہ بے گھر افراد اور مسافروں کے لئے مختلف شہروں میں پناہ گاہیں قائم کی گئی ہیں جہاں شہریوں کے رات رہنے کا انتظام موجود ہے، شہریوں کو کھانا بھی مفت دیا جاتا ہے،

چند روز قبل وزیراعلی پنجاب سردار عثمان بزدارنے لاہور ٹھوکر نیاز بیگ کی پناہ گاہ کا دورہ کیا-صوبائی وزیر اطلاعات فیاض الحسن چوہان،رکن پنجاب اسمبلی ندیم بارا،سیکرٹری اطلاعات اور ڈپٹی کمشنر بھی وزیراعلیٰ کے ہمراہ تھے-

وزیر اعلی نے پناہ گاہ میں مقیم لوگوں سے ملاقات کی -وزیراعلیٰ پناہ گاہ میں قیام کرنے والے لوگوں میں گھل مل گئے -وزیراعلیٰ نے پناہ گاہ میں قیام کے لئے آئے افراد سے ان کے پاس جاکر فرداً فرداً ہاتھ ملایا -وزیراعلیٰ پناہ گاہ میں قیام پذیر لوگوں کے ساتھ زمین پر بیٹھ گئے- وزیراعلیٰ نے لوگوں کے ساتھ بیٹھ کررات کا کھانا بھی کھایا اور بریانی اور زردے کے معیار کی تعریف کی

احساس لنگر کا وزیراعظم عمران خان نے کیا افتتاح

بلاول سے کب تک محبت رہے گی؟ شیخ رشید نے دلی خواہش بتا دی

بے نامی جائیداد سے اکٹھی رقم احساس پروگرام میں شامل کریں گے، وزیراعظم

ٕوزیراعلیٰ نے قیام کرنے والے لوگوں سے ان کے مسائل بھی پوچھے-وزیراعلیٰ نے لوگوں کے مسائل جلد حل کرنے کی یقین دہانی کرائی اور لوگوں کے مسائل کے حل کے لئے متعلقہ حکام کو ضروری ہدایات دیں -وزیراعلیٰ نے پناہ گاہ کے کچن کا بھی دورہ کیا- وزیراعلی نے پناہ گاہ میں مقیم لوگوں سے فراہم کی جانے والی سہولتوں کے بارے میں دریافت کیا-

Leave a reply