فردوس عاشق اعوان کی مریم پر سخت تنقید ، کہا مبینہ ویڈیو بنانے اورچلانے والے دونوں کردار جھوٹے ہیں

وزیراعظم پاکستان عمران خان کی معاون خصوصی برائے اطلاعات و نشریات فردوس عاشق اعوان نے العزیزیہ ریفرنس کیس میں سابق وزیر اعظم نواز شریف کو سزا سنانے والے جج ارشد ملک کی طرف سے وضاحتی بیان جاری کرنے کے بعد ن لیگی قیادت پر سخت تنقید کی اور کہا ہے کہ آڈیو ویڈیو ٹیپ بنانے اور چلانے والے دونوں کردار سند یافتہ جھوٹے ہیں۔ ایک قاتل اور غنڈہ گینگ کا سربراہ جبکہ دوسری کیلبری فونٹ کی معروف جعلساز بے، یہ وہ کردار ہے جو بے نامی دار ہے۔


فردوس عاشق اعوان نے سوشل میڈیا سائٹ ٹویٹر پر اپنے پیغام میں‌ لکھا ہے کہ سرکاری خزانے کو مال غنیمت سمجھ کر لوٹنے اور عوام کے وسائل پر ڈاکہ ڈالنے والوں سے مال مسروقہ کی برآمدگی جاری رہے گی۔ نوازشریف جیل میں ہیں تو مریم صفدر بتائے کس حیثیت میں بغیر کسی استحقاق اتنا عرصہ سرکاری بلٹ پروف کار استعمال کر رہی تھیں ؟


انہوں نے لکھا کہ جنہیں سرکاری خزانے میں نقب لگانے کی عادت ہو انہیں جیب سے خرچ کرنا محال ہوتا ہے۔ واضح رہے کہ فردوس عاشق اعوان کی جانب سے یہ ٹویٹ جج ارشد ملک کی جانب سے وضاحتی بیان جاری کرنے کے بعد کی گئی ہیں.

جواب چھوڑیں

آپ کا ای میل ایڈریس شائع نہیں کیا جائے گا.