ترکی کا جزیرہ آگ سے بھڑک اٹھا ، بڑے پیمانے پر نقصان

انقرہ :عید سے اگلے دن ترکی کے جزیرہ مرمرا کے جنگلات میں آگ لگ گئی جسے تاحال بجھایا نہیں جاسکا ہے ۔غیر ملکی میڈیا کے مطابق جنگلات میں لگی آگ سیکڑوں ایکڑ تک پھیل چکی ہے ،آتشزدگی سے پانچ سے زائد گھر بھی راکھ کا ڈھیر بن چکے ہیں ۔یہ بھی اطلاعات ہیں کہ آگ سے دیگر علاقوں کو بھی خطرات لاحق ہوگئے ہیں.

ترک حکومت کا کہنا ہے کہ سیکڑوں رہائشیوں کو محفوظ مقامات پر منتقل کیا جاچکا ہے ۔امدادی کارروائیوں میں درجنوں فائر فائٹرز اور ہیلی کاپٹرز حصہ لے رہے ہیں تاہم تیز ہواؤں اور گرم موسم کے سبب آگ بجھانے میں شدید مشکلات کا سامنا ہے ۔آگ لگنے کی وجوہات جاننے کیلئے تحقیقات جاری ہے ۔