سپائسی اور مزیدار مچھلی فرائی کرنے کا طریقہ

اجزاء:
مچھلی (پاپلیٹ یا سرمئی) آدھا کلو
سفید زیرہ پسا ہوا آدھا کھانے کا چمچ
سرخ پسی مرچ آدھا کھانے کا چمچ
لہسن پیسٹ آدھا کھانے کا چمچ
آٹا 1 کپ
نمک حسب ذائقہ
سویا ساس آدھا کھانے کا چمچ
ہلدی آدھا چائے کا چمچ
چائنیز نمک 1 چائے کا چمچ
لیموں 1 عدد
سفید سرکہ پاؤ کپ
تیل 1 کپ
آلو آدھا کلو چپس کی طرح کاٹ لیں

ترکیب:
نمک اور سفید سرکہ مچھلی کے ٹکڑوں پر لگا کر آدھے گھنٹے کے لیے رکھ دیں ہلدی لہسن زیرہ پاؤڈر مرچ پاؤڈر سویا ساس نمک اور لیموں کا رس ان تمام اجزاء کو کسی باؤل میں ڈال کر مکس کر کے پیسٹ بنا لیں آدھے گھنٹے بعد مچھلی دھو کر اچھی طرح مصالحہ پیسٹ اس پر لگا کر 2 گھنٹوں کے لیے فریج میں رکھ دیں کڑھائی میں تیل ڈال کر گرم کریں پھر مچھلی کر پیسیز پر آٹا لگا کر ڈیپ فرائی کر لیں اور چپس فرائی کر کے مزیدار فرائی مچھلی چٹنی اور چپس کے ساتھ سرو کریں