fbpx

5 جی ٹیکنالوجی پر پابندی لگانے سے متعلق درخواست پر عدالت نے کس کو طلب کر لیا؟

5 جی ٹیکنالوجی پر پابندی لگانے سے متعلق درخواست پر عدالت نے کس کو طلب کر لیا؟

باغی ٹی وی کی رپورٹ کے مطابق سندھ ہائیکورٹ میں 5 جی ٹیکنالوجی پر پابندی لگانے سے متعلق درخواست کی سماعت ہوئی

عدالت نے درخواست گزار سے استفسار کیا کہ بتائیں، 5 جی ٹیکنالوجی کیسے مضر صحت ہے کیا 5 جی کا کسی کو لائسنس دیا گیا ہے ؟ درخواست گزار نے عدالت میں بتایا کہ 5 جی ٹیکنالوجی انسانی صحت ماحول اور آب و ہوا کے لیے نقصان دہ ہے اور 5 جی کا باقاعدہ لائسنس کسی کو جاری نہیں ہوا۔

عدالت نے استفسار کیا کہ پی ٹی اے حکام وضاحت دے سکیں گے کہ کیا 5 جی کے مضر صحت اثرات ہو سکتے ہیں؟ دنیا انفارمیشن اینڈ ٹیکنالوجی میں آگے بڑھ رہی ہے اور ہم پابندی لگادیں ہم پی ٹی اے کے جواب کے بعد ہی کارروائی آگے بڑھائیں گے۔ سندھ ہائیکورٹ نے فائیو جی ٹیکنالوجی کے مضر اثرات سے متعلق پی ٹی اے سے جواب طلب کرلیا۔ عدالت نے فائیو جی ٹیکنالوجی سے متعلق پی ٹی اے حکام کو نوٹس جاری کردیئے

فائیو جی ٹیکنالوجی کے انسانی صحت کےلیے نقصان دہ ہونے کے دعوے بے بنیاد ہیں تحقیق

جواب چھوڑیں

آپ کا ای میل ایڈریس شائع نہیں کیا جائے گا.