لاہور قلندرز نے فلڈ ریلیف فنڈ جمع کرنے کیلئے پی ایس ایل 7 کی ٹرافی پبلک کردی

0
30

لاہور قلندرز نے فلڈ ریلیف فنڈ جمع کرنے کیلئے پی ایس ایل 7 کی ٹرافی پبلک کردی-

باغی ٹی وی : لاہور قلندرز کی جانب سے سیلاب متاثرین کی مدد کیلئے قائم اخوت فاؤنڈیشن کے فلڈ ریلیف کیمپ میں پی ایس ایل 7 کی ٹرافی کی رونمائی، ٹرافی کے ساتھ جو شہری تصویر لے گا وہ سو یا سو سے زائد روپے سیلاب ریلیف فنڈ میں جمع کروائے گا۔

لاہور کے لبرٹی چوک پر اخوت فاؤنڈیشن کی جانب سے سیلاب متاثرین کیلئے لگائے گئے امدادی کیمپ پر فنڈ ریزنگ کیلئے لاہور قلندر کے سی ای او رانا عاطف نے پی ایس ایل سیون کی ٹرافی کو پبلک کیا-


رانا عاطف کا شہریوں سے کہنا تھا کہ وعدے کے مطابق آپ کی ٹرافی جیت کے بعد آپ کے پاس پڑی ہے آپ آئیں اور بھر پور انداز سے شرکت کریں شہری آئیں ٹرافی کے ساتھ سیلفی یا تصویر بنائیں اور سو یا سو سے زائد کی امداد دے کر سیلاب متاثرین کی مدد کریں۔


اخوت فاؤنڈیشن کے چیئرمین امجد ثاقب کا کہنا تھا کہ ہم سب کو مل کر اس کار خیر میں اپنا حصہ ڈالنا ہو گا۔


اس موقع پر شہریوں کی بڑی تعداد نے پی ایس ایل سیون کی ٹرافی کے ساتھ تصویریں بنوا کر سیلاب متاثرین کیلئے اپنے عطیات جمع کروائے۔

Leave a reply