وزیر خزانہ اسحاق ڈار قرض ری شیڈول کرانے کیلئے واشنگٹن پہنچ گئے

وزیر خزانہ سینیٹر محمد اسحاق ڈار قرض ری شیڈول کرانے کیلئے واشنگٹن پہنچ گئے ہیں.

وفاقی وزیر خزانہ اسحاق ڈار پاکستان کا بیرونی قرض ری شیڈول کرانے کے مشن پر امریکی دارالحکومت واشنگٹن پہنچ گئے ہیں۔ پاکستان میں رواں برس بارشوں اور سیلاب سے بڑے پیمانے پر تباہی ہوئی جس کے بعد وزیر خارجہ سمیت دیگر حکام نے قرض ری شیڈول کرانے کا عندیہ دیا تھا۔ وزیر خزانہ آئی ایم ایف اور عالمی بینک کے سالانہ اجلاس میں شریک ہوں گے۔ واشنگٹن میں میڈیا سے گفتگو کرتے ہوئے وزیر خزانہ اسحاق ڈار نے کہا کہ آئی ایم ایف اور ورلڈ بینک کے سالانہ اجلاس میں پاکستان کی معاشی و اقتصادی صورتحال پر بات چیت ہوگی۔ ہم پاکستان کا قرض ری شیڈول کرانے کے خواہاں ہیں۔

وزیرِ خزانہ اسحاق ڈار نے کہا کہ عالمی مالیاتی فنڈ (آئی ایم ایف) اور عالمی بینک سے قرض ری شیڈول کرانے پر مذاکرات ہوں گے۔ قبل ازیں اسحاق ڈار پاکستان کے پیرس کلب نہ جانے کا اعلان کرتے ہوئے کہہ چکے ہیں کہ ہم آئی ایم ایف پروگرام کو خیر باد کہیں گے۔
مزید یہ بھی پڑھیں؛ شادیوں کے نام پر لوٹنے والی جعلساز دلہن گرفتار
انٹرپول نے خالصتان کے رہنما کے ریڈ وارنٹ جاری کرنے کی بھارتی درخواست مسترد کر دی
میرے پاس کس کس کی اور کونسی کونسی ویڈیوز موجود ہیں؟ طیبہ گُل کا تہلکہ خیز انکشاف
پاکستان نے فیٹف کی 40 شرائط پر عملدرآمد مکمل کرلیا، گرے لسٹ سے نکلنے کا امکان
برطانیہ سے تعلقات کو مضبوط بنانے کے لیے مل کر کام کریں گے، بلاول بھٹو زرداری
خیال رہے کہ اس سے قبل وزیر خزانہ محمد اسحاق ڈار نے کہا کہ اگر ہم پاکستان کے عوام کو ریلیف دے رہے ہیں تو اس سے کسی کو کیا پریشانی ہے؟ مفتاح اسماعیل میرے لیے چھوٹے بھائی کی طرح ہیں۔ میں نے ان کی بات کا برا نہیں مانا۔