لوگ کیسے بیمار نہ ہوں ؟ جب گھی اور کوکنگ آئل ہی مضر صحت ہوں ، فوڈ اتھارٹی کے چھاپے

0
41

لاہور: ناقص اور مضر صحت گھی اور کوکنگ آئل نے عوام الناس کو بیمار کرنا شروع کردیا . اطلاعات کے مطابق اسی جرم کی پاداش میں پنجاب فوڈ اتھارٹی نے صوبے بھر میں کام کرنے والی 317 تیل اور گھی کی کمپنیوں کے نمونوں کی رپورٹ جاری کردی،

پنجاب فوڈ اتھارٹی کے ذرائع کےمطابق کھانے میں استعمال ہونے والے تیل اور بناسپتی گھی کے لیے گئے نمونوں کی چیکنگ رپورٹ جاری کی گئی۔رپورٹ کے مطابق 317 میں سے 47 برانڈ مضر صحت، 56 کمپنیوں کے نمونوں میں معمولی نقائص پائے گئے، مختلف برانڈز کا 68ہزار 120کلوگھی اور غیرمعیاری تیل تلف کیا گیا۔

ذرائع کےمطابق گھی اور کوکنگ آئل کی کوالٹی کے حوالے سے پنجاب فوڈ اتھارٹی نے تما م برانڈ زکے تفصیلی نتائج اپنی ویب سائٹ پر اپ لوڈ کیے ہیں، نمونےپاس ہونےتک کسی بھی برانڈکوپروڈکشن کی اجازت نہیں دی جائے گی۔

Leave a reply