آج رات سے بارشوں، تیز ہواؤں کے نئے سلسلے کی پیش گوئی:مگرکہاں؟اہم خبرآگئی

0
29

پشاور: آج رات سے بارشوں، تیز ہواؤں کے نئے سلسلے کی پیش گوئی:مگرکہاں؟اہم خبرآگئی ،اطلاعات کے مطابق خیبر پختون خوا میں بارشوں اور تیز ہواؤں کا نیا سلسلہ آج رات سے شروع ہونے کا امکان ہے۔

محکمہ موسمیات کا کہنا ہے کہ آج رات سے کے پی میں بارشوں اور تیز ہواؤں کا نیا سلسلہ شروع ہوگا، ڈائریکٹر جنرل پی ڈی ایم اے شریف حسین کے مطابق بارشوں اور تیز ہواؤں کے پیش نظر متعلقہ اداروں کو پیشگی اقدامات اٹھانے کی ہدایات جاری کر دی گئی ہیں۔

پی ڈی ایم اے کا کہنا ہے کہ بارش اور تیز ہواؤں سےگرمی کی شدت میں کمی کا امکان ہے، نیز سیاحتی مقامات کی سیر کے لیے جانے والے سیاح ان دنوں میں دوران سفر احتیاطی تدابیر اختیار کریں۔

ڈی جی کا کہنا تھا کہ پی ڈی ایم کا آپریشن سینٹر مکمل طور پر فعال ہے، عوام کسی بھی نا خوش گوار واقعے کی اطلاع ہیلپ لائن 1700 پر دیں۔

واضح رہے کہ خیبر پختون خوا میں گزشتہ کئی دنوں سے شدید گرمی پڑ رہی ہے، اور محکمہ موسمیات کا کہنا ہے کہ بارش سے گرمی میں شدت میں کمی آ جائے گی۔

Leave a reply