غیر ملکی شخصیت کی جاتی امرا آمد؟ ن لیگ کا انکار

انتہائی باخبر ذرائع کے مطابق مبینہ طور پر25 ستمبراور 26ستمبر کی رات کو ایک غیر ملکی شخص رائے ونڈ کے قریب جاتی امرامیں واقع میاں نواز شریف کے گھر میں کالے شیشوں والی ایک پرائیویٹ گاڑی پر پہنچاجہاں مبینہ طور پر مریم نواز شریف نے ان کا انتہائی گرم جوشی سے استقبال کیا۔ غیرملکی نے رات کو جاتی امرا میں ہی قیام کیا اور 26 ستمبرکو ایک دوسری گاڑی میں جو کہ جاتی امرا کی ملکیت بتائی جارہی ہے کے ذریعے وہاں سے روانہ ہوا۔ ذرائع کا یہ بھی کہنا ہے کہ غیر ملکی مبینہ طور پر ایک بھارتی تھا تاہم اس بات کی تصدیق نہیں ہو سکی کہ وہ شخص پاکستان میں بھارتی ہائی کمیشن کا کوئی سفارتکار تھا یا کسی دوسرے ملک سے پاکستان آیا تھا۔ علاقے کے رہائشی بعض افراد سے بات ہوئی تو ان کا کہنا تھا کہ میاں نواز شریف کے گھر میں غیرملکیوں کا آنا جانا لگا رہتا ہے۔ اس حوالے سے ن لیگ کے بعض سرکردہ افرادسے رابطہ کیا گیا تو انہوں نے اس حوالے سے لاعلمی کا اظہار کیا جب کہ جاتی امرا کے اسٹاف نے کوئی جواب دینے سے انکار کردیا۔

جواب چھوڑیں

آپ کا ای میل ایڈریس شائع نہیں کیا جائے گا.