fbpx

برداشت کاجنازہ اٹھ گیا:ہاکی ٹیم کے سابق گول کیپر عمران شاہ فائرنگ سے زخمی

گوجرہ : برداشت کاجنازہ اٹھ گیا:ہاکی ٹیم کے سابق گول کیپر عمران شاہ فائرنگ سے زخمی ،اطلاعات کےمطابق گوجرہ میں قومی ہاکی ٹیم کے سابق گول کیپر اولمپیئن عمران شاہ اور ان کے بھائی فائرنگ سے زخمی ہوگئے۔

پولیس کے مطابق گوجرہ کے علاقے قائداعظم روڈ پردکان کےسامنےگاڑی کھڑی کرنےپر اولمپیئن عمران شاہ کا جھگڑا ہوا تھا۔

پولیس نے بتایا کہ 3 دکان داروں نے اولمپیئن عمران شاہ اور ان کے بھائی پر تشدد کیا اور فائرنگ کرکے زخمی کردیا۔

پولیس کے مطابق اولمپیئن عمران شاہ اور ان کے بھائی کو ٹی ایچ کیو اسپتال منتقل کردیا گیا ہے جہاں انہیں طبی امداد دی گئی جبکہ واقعے کے بعد دکان دار فرارہوگئے۔

پولیس کا کہنا ہےکہ ان مجرموں کی تلاش جاری ہے اورامید کی جاسکتی ہےکہ بہت جلد یہ کریمینل قانون کی گرفت میں‌آجائیں گے