fbpx

فرانس کا دہرا معیار:قطرمیں افغان طالبان سے مذاکرات :پیرس میں تسلیم نہ کرنے کا اعلان

پیرس :فرانس کا دہرا معیار:قطرمیں افغان طالبان سے مذاکرات:پیرس میں تسلیم نہ کرنے کا اعلان ،اطلاعات کے مطابق فرانس نے افغانستان میں طالبان کی حکومت تسلیم نہ کرنے کا اعلان کردیا۔

اپنے دہرے پن کا مظاہرہ کرتے ہوئے فرانسیسی وزیر خارجہ جان ایف جوڈریان کا کہنا تھاکہ فرانس طالبان حکومت کو تسلیم نہیں کرے گا اور نہ ہی طالبان حکومت کے ساتھ تعلق ہوگا۔

فرانسیسی وزیر خارجہ جان ایف جوڈریان کا کہنا تھاکہ افغان طالبان نے کہا کہ وہ ایک جامع حکومت بنائیں گے لیکن وہ جھوٹ بول رہے تھے۔

فرانسیسی وزیرخارجہ کا کہنا تھاکہ طالبان کو کچھ مالی مدد اور بین الاقوامی تعلقات کی ضرورت ہوگی لیکن ان کی مالی مدد اورعالمی تعلقات کے معاملات ان کے اقدامات پرمنحصر ہے۔

ایک طرف فرانس افغان طالبان کو تسلیم نہ کرنے کی دھمکیاں دے رہا ہے تودوسری جانب افغانستان سے فرانسیسی شہریوں اور افغان باشندوں کے انخلا کیلئے قطر میں آج مذاکرات ہورہے ہیں۔

خیال رہے کہ گزشتہ دنوں طالبان کی جانب سے عبوری حکومت کا اعلان کیا تھا جس کے تحت ملا محمد حسن اخوند افغانستان کے عبوری وزیراعظم جبکہ ملا عبدالغنی برادر اور مولوی عبدالسلام حنفی نائب وزرائے اعظم ہیں۔

Facebook Notice for EU! You need to login to view and post FB Comments!