
کراچی: گورنر سندھ کامران خان ٹیسوری نے کراچی میں اسٹریٹ کرائمز کے متاثرین کو مفت موٹر سائیکل اور موبائل فون فراہم کرنے کا اعلان کیا ہے۔
باغی ٹی وی :گزشتہ روز گورنر ہاؤس سندھ میں لاعلاج مرض میں مبتلا بچوں کی خواہشات کو پورا کرنے کے لیے تقریب کا انعقاد کیا گیا تقریب میں خطاب کرتے ہوئے کامران ٹیسوری نے کہا کہ نئی بائیک اور موبائل فون حاصل کرنے کے لیے اسٹریٹ کرائمز کے متاثرین کو اپنے اصل کمپیوٹرائزڈ قومی شناختی کارڈ (CNICs) اور فرسٹ انفارمیشن رپورٹس (FIRs) گورنر ہاؤس میں پیش کرنا ہوں گی۔
گورنر سندھ نے ہیلتھ انشورنس کا بھی اعلان کیا، جس سے شہری اپنا اور اپنی فیملی کا 5 لاکھ روپے تک کا مفت علاج کروانے کے قابل ہوں گے،ہر کوئی اس اقدام سے فائدہ اٹھا سکتا ہے، بشرطیکہ وہ تمام ضروریات کو پورا کریں جبکہ گورنر سندھ نے دعویٰ کیا کہ عہدہ سنبھالنے کے بعد سے انہوں نے احسانات کے بدلے میں کسی سے کچھ نہیں مانگا۔