آئس نشے نے مت ماردی ،لاہور میں نشہ کی خاطر حافظ قرآن دوست قتل

0
23

لاہور:آئس نشے نے مت ماردی ،لاہور میں نشہ کی خاطر حافظ قرآن دوست قتل،اطلاعات کےمطابق لاہور میں آئس نشہ کی لت نے دوست کی جان لے لی، نشہ خریدنے کی خاطر دوستوں نے امام مسجد کے بیٹے کو قتل کر دیا۔

تفصیلات کے مطابق پولیس کو گلشن راوی کے علاقے میں صندوق سے ایک نوجوان کی لاش ملی جسے بے دردی سے قتل کر دیا گیا تھا۔لاش کی شناخت ہونے پر اسے ضابطے کی کارروائی کے بعد اہل خانہ کے حوالے کیا گیا، مقتول کی شناخت حافظ ہمدان کے نام سے ہوئی۔مقتول کے والد امام مسجد کا کہنا ہے کہ بیٹے کو مہنگے کپڑے پہننے اور قیمتی موبائل رکھنے کا شوق تھا، بیٹا حافظ قرآن تھا اور والدین کا فرماں بردار تھا۔

پولیس نے واقعے کی تفتیش شروع کی تو شک کی بنیاد پر مقتول کے دوستوں عبداللہ اور اویس کو حراست میں لیا گیا جنہوں نے اعتراف جرم کر لیا۔ملزمان نے بتایا کہ وہ چند روز قبل ہی آئس نشہ کرنے شروع ہوئے تھے، پیسہ نہ ہونے کے باعث دوست حافظ ہمدان کا قیمتی موبائل فون چھیننے کی منصوبہ بندی کی اور واردادت کے دوران دوست قتل ہوگیا جس کی لاش کو نالے کے پاس پھینک دیا۔

Leave a reply