فیصل آباد میں فلمسٹار میرا جی کی پرفارمنس کے دوران فائرنگ

باغی ٹی وی کی رپورٹ کے مطابق پنجاب میں امن و امان کی حالت انتہائی مخدوش ہو چکی ہے، آئی جی پنجاب تو بدل گئے لیکن پولیس کا رویہ نہ بدلا، جرائم کم نہ ہوئے

پنجاب کے شہر فیصل آباد میں سبینہ تھیٹر میں فلمسٹار میرا جی کی پرفارمنس کے دوران فائرنگ ہوئی ہے،اداکارہ میرا کی پرفارمنس کے دوران دو نامعلوم افراد نے فائرنگ کی ،مسلح افراد سکیورٹی گارڈ کی گن چھین کر فرار ہو گئے

فیصل آباد میں سبینہ سینما کے باہر ہوائی فائرنگ
اداکارہ میرا کی پرفارمنس کے دوران دو نامعلوم افراد نے فائرنگ کی
مسلح افراد سکیورٹی گارڈ کی گن چھین کر فرار@salmandurrani0 @SidraMeer3 @HUMMADHUMMAD @TayyabGulfam @NaumanNews pic.twitter.com/cDJnqRXAH3

— Amnan Rajput (@AmnanRajput) September 11, 2020

فائرنگ کا واقعہ رات گئے پیش آیا،جب اداکارہ میرا پرفارم کر رہی تھی، نا معلوم مسلح افراد سینما کے باہر پہنچے اور ہوائی فائرنگ کی،مسلح افراد موٹر سائیکل پر آئے اور فائرنگ شروع کر دی، واقعہ کی سی سی ٹی وی فوٹیج میں‌ دیکھا جا سکتا ہے کہ ملزمان کس طرح فائرنگ کر رہے ہیں،

فیصل آباد کے فیکڑی ایریا کے علاقے میں واقعہ سبینہ تھیٹر میں جاری اسٹیج ڈارمے کے دوران ملزمان کی جانب سے فائرنگ کی گئی جس سے باہر کھڑی گاڑیوں کے شیشے ٹوٹ گئے۔ ملزمان فائرنگ کے بعد موقع سے فرار ہو گئے

اطلاعات کے مطابق فائرنگ کے واقعہ میں کوئی جانی نقصان نہیں ہوا تا ہم سینما میں موجود افراد خوفزدہ ہو گئے، اور واقعہ کے بعد سینما چھوڑ کر چلے گئے.