میکسیکو:فٹبال میچ کے دوران ہنگامہ 22 افراد زخمی

میکسیکو میں فٹبال میچ کے دوران شائقین میں تصادم کے نتیجے میں تقریباً 22 افراد زخمی ہو گئے۔

باغی ٹی وی :غیر ملکی خبررساں ادارے کے مطابق میکسیکو میں فٹبال میچ کے دوران افسوس ناک واقعہ پیش آیا جب کیوریٹرو اور اٹلس کے درمیان ہونے والے میچ میں لڑائی شروع ہو گئی-

شمالی کوریا کا 2 ماہ میں نوواں میزائل تجربہ

لڑائی شائقین کے درمیان اسٹینڈرز میں ہوئی جس کے نتیجے میں 22 افراد زخمی ہوئے لڑائی کے دوران اسٹیڈیم میں موجود وار مانیٹر کو نقصان پہنچا جبکہ زخمی ہونے والوں میں 2 افراد کی حالت انتہائی تشویش ناک بتائی گئی۔

میکسیکو لیگا ایگس ایم ایکس کے ایگزیکٹیو صدر نے واقع کی مذمت کرتے ہوئے کہا کہ اسٹیڈیم میں سیکیورٹی کے ناقص انتظامات پر ذمہ داران کو سزا دی جائے گی ہمارے لیے تمام کھلاڑیوں اور شائقین کی حفاظت اولین ترجیح ہے۔

روس اور یوکرین میں مذاکرات کا تیسرا دور کل ہو گا

اٹلس کلب کی جانب سے جاری بیانیے میں مطالبہ کیا گیا کہ لیگ انتظامیہ اور حکام کی جانب سے اس واقعہ کی تحقیقات کی جائے تاکہ نا خو شگوارواقعہ میں ملوث افراد کا تعین کیا جا سکے اور ان کے خلاف قانوں کی پاسداری کو یقینی بنایا جائے۔

دوسری جانب کیوریٹرو کے گورنر ماروسیو کوری کا کہنا ہے کہ کلب کے مالکان اور اداروں کو حقائق کا جواب دینا چاہئیے، میں نے ہدایات جاری کردی ہیں کہ قانون پاسداری کرتے ہوئے اس واقعہ کے ذمہ داران کو سزا دی جائے۔