چونیاں ـ وزیر ستان میں شہید ہونے والے جوان کی آبائی علاقہ میں نماز جنازہ ،فوج کے چاق و چوبند دستے نے سلامی پیش کی،کثیرتعداد میں لوگوں کی شرکت

باغی ٹی وی: چونیاں(نامہ نگار) وزیر ستان میں شہید ہونے والے جوان کی آبائی علاقہ میں نماز جنازہ ،فوج کے چاق و چوبند دستے نے سلامی پیش کی،کثیرتعداد میں لوگوں کی شرکت.
تفصیل کے مطابق وزیر ستان میں دہشت گردوں کے ساتھ لڑتے ہوئے فوجی محمد حسین شہید کا جسد خاکی اس کے آبائی گاؤں گنب پہنچا جہاں شہید فوجی محمد حسین کی نمازِ جنازہ اداکی . فوج کے چاق و چوبند دستے کے سلامی پیش کرنے کے بعد شہید کے جسد خاکی کو سپرد خاک کیاگیا، نمازِ جنازہ میں پاک فوج اور سینکڑوں افراد نے شرکت کی . وزیر ستان میں دہشتگردوں کے حملے میں جام شہادت نوش کرنے والا پاک فوج کا جوان محمد حسین شہید چونیاں کے نواحی گاؤں گنب کا رہائشی تھا۔ شہید ملک کی سرحد کی حفاظت کرتے ہوئے جام شہادت نوش کرنے والا صف اوّل کا سپاہی شہید فوجی محمدحسین والدین کا اکلوتا بیٹا تھا ، شہید محمد حسین کے سوگوارن میں دو بیٹے اور دو بیٹیاں شامل ہیں، شہید کا جسدِ خاکی گاؤں پہنچنے پر ہر آنکھ اشک بار تھی اور اس کی شہادت پر اظہار فخر کیا ۔ شہادت کا رتبہ پانے والے فوجی جوان محمد حسین کی نماز جنازہ چونیاں کے نواحی آبائی گاؤں گنب کے مقامی قبرستان میں فوجی دستے نے سلامی پیش کرتے ہوئے فوجی اعزاز کے ساتھ شہید کی نمازِ جنازہ ادا کر دی۔ پاک فوج کے افسر نے شہید کے والد اور بیٹا کو پرچم ہلالی بھی پیش کیا۔ نماز جنازہ میں عزیز و اقارب کے علاؤہ شہریوں کی بڑی تعداد نے بھی نماز جنازہ میں شرکت کی

Leave a reply