fbpx

گندم کا ہدف پورا نہ ہونے کا خدشہ

شیخوپورہ (نمائندہ باغی ٹی وی) ضلع شیخوپورہ سے دوسرے اضلاع کو گندم کی سمگلنگ کی وجہ سے محکمہ خوراک کو گندم کی سرکاری خریداری کا ہدف پورا نہ ہونے کا خدشہ پیدا ہوگیا ہے باخبر ذرائع کے مطابق وادی پوٹھوہار اور صوبہ کے پی کے کے متعدد اضلاع کے تاجر شیخوپورہ کی منڈیوں سے 1750 روپے تا 1780 روپے فی 40 کلو کے حساب سے کیش پیمنٹ پر گندم رات کی تاریکی میں ٹرکوں اور کنٹینروں پر لے جا رہے ہیں جس کی وجہ سے اس سال ضلع شیخوپورہ میں گندم کی سرکاری خریداری کا ایک لاکھ 50 ہزار میٹرک ٹن کا ہدف پورا نہ ہونے کا خدشہ لاحق ہوگیا ہے

جبکہ ضلع شیخوپورہ میں گندم کی 90 فیصد کٹائی مکمل ہوچکی ہے پچھلے سال ان دنوں میں ضلع شیخوپورہ میں گندم کی خریداری کا ہدف پورا ہونے کے بعد اضافی 20 فیصد گندم کی خریداری شروع کر دی گئی تھی ادھر ڈی ایف سی مظہر بلوچ نے بتایا ہے کہ محکمہ خوراک اس وقت ضلع شیخوپورہ سے 52 فیصد ٹارگٹ پورا کرچکا ہے اور 79 ہزار 700 میٹرک ٹن گندم خریدی جاچکی ہے امید ہے کہ سو فیصد ٹارگٹ پورا ہو جائے گا

جواب چھوڑیں

آپ کا ای میل ایڈریس شائع نہیں کیا جائے گا.