گلگت  بلتستان اسکاؤٹس نے  چیئرمین جوائنٹ چیف آف سٹاف کمیٹی الپائین اسکی کپ اپنے نام کر لیا

0
31

گلگت  بلتستان اسکاؤٹس نے  چیئرمین جوائنٹ چیف آف سٹاف کمیٹی الپائین اسکی کپ اپنے نام کر لیا
باغی ٹی وی کی رپورٹ کے مطابق گلگت  بلتستان اسکاؤٹس نے  نلتر میں منعقدہ  چیئرمین جوائنٹ چیف آف سٹاف کمیٹی الپائین اسکی کپ اپنے نام کر لیا

پی اے ایف  اسکی ریزورٹ نلتر میں منعقدہ حالیہ چیئرمین جوائنٹ چیفس آف سٹاف کمیٹی الپائین اسکی کپ میں وقار جونیئر کی سلالم اور جائینٹ سلالم کیٹیگریز میں شاندار کاردگردگی کی بدولت گلگت  بلتستان اسکاؤٹس نے الپائین اسکی کپ جیت لیا۔ وہ دونوں کیٹیگریز میں بھرپور فارم میں نظر آئے اورایک طلائی اور ایک چاندی کا تمغہ اپنے نام کرا لیا۔ سلالم کیٹیگری میں سابقہ اولمپئین پاک فضائیہ کے محمد عباس نے اپنی صلاحیتوں کا لوہا منواتے ہوئے طلائی تمغہ جیت لیا۔

اسی کیٹیگری میں گلگت  بلتستان اسکاؤٹس کے وقار جونیئر نے چاندی جبکہ پاک آرمی کے نور محمد نے کانسی کا تمغہ حاصل کیا۔ جائینٹ سلالم کیٹیگری میں گلگت  بلتستان اسکاؤٹس کا پلہ بھاری رہا جس میں وقار جونیئر کے طلائی تمغے کے علاوہ چاندی اور کانسی کے تمغے بھی گلگت  بلتستان اسکاؤٹس کے سجاد احمد اور وقار عظیم نے اپنے نام کر لئے۔

پاک فضائیہ،پاک آرمی، گلگت  بلتستان اسکاؤٹس، سوات، پنجاب،  بلوچستان، سندھ، اسلام آباد، آزاد جموں و کشمیر، ہائیر ایجوکیشن، سول ایوی ایشن اتھارٹی اور الپائن کلب کی ٹیموں نے اس ایونٹ میں شرکت کی۔

Leave a reply