بھارتی اداکارہ جینیلیا دیش مُکھ نے کورونا کو شکست دے دی

بالی وڈ کے نامور اداکار رتیش دیش پُکھ کی اہلیہ اور معروف اداکارہ جینیلیا دیش مُکھ کا کہنا ہے کہ وہ 21 دن قبل عالمی وبا کورونا کا شکار ہوگئی تھیں تاہم اب وہ کورونا کو شکست دینے میں کامیاب ہو گئیں ہیں ۔

باغی ٹی وی : جینیلیا نے سوشل میڈیا ویب سائٹ انسٹا گرام پر اپنی پوسٹ میں کورونا میں قرنطینہ اختیار کئے 21 دنوں کو چیلنجنگ قرار دیتے ہوئے لکھا کہ ڈیجیٹل دنیا آپ کی تنہائی کو کبھی ختم نہیں کرسکتی۔
https://www.instagram.com/p/CEebYQSJI0J/?utm_source=ig_embed
اداکارہ نے لکھا کہ تین ہفتے قبل انہوں نے کورونا کا مثبت تجربہ کیا تھا ان میں 21 دن پہلے کورونا کی علامات ظاہر ہوئیں تھیں خدا کی مہربانی سےآج میرا کورونا ٹیسٹ منفی آگیا ہے اور میں نے اس بیماری کو شکست دے دی ہے۔

اداکارہ نے کہا کہ میں خود کو عطا کردہ نعمتوں کو گنوں تو اس مرض کے ساتھ میری جنگ کافی آسان رہی لیکن اس کے ساتھ ہی یہ اعتراف کرنا بھی لازم ہے کہ کورونا کا تجربہ کرنے کے بعد قرنطینہ میں گزارے گئے 21 دن میرے لیے بہت زیادہ چیلنجنگ رہے۔

جینیلیا دیش مُکھ نے کورونا میں وقت گزاری کے حوالے سے بتایا کہ ڈیجیٹل وقت گزارنے سے تنہائی کو ختم نہیں کیا جاسکتا۔

اداکارہ نے کہا کہ وہ اپنے اہل خانہ اور پیاروں کے درمیان واپس آنے پر بےحد خوش ہیں محبت کرنے والوں کے گرد رہنا ہی سچی طاقت ہے اور سب کو اس کی ضرورت ہے۔

انہوں نے لکھا کہ جلد ٹیسٹ کروانا، صحت مند کھانا، فٹ رہنا ہی کورونا سے لڑنے کا واحد راستہ ہے۔

بھارتی فنکاروں کا امیتابھ بچن اور ابھیشیک بچن کی صحتیابی کے لئے دعائیہ پیغامات

کورونا وائرس کا شکار ایشوریا رائے بچن طبیعت بگڑنے پر بیٹی سمیت ہسپتال منتقل