جنرل قمر جاوید باجوہ کا پاک افغان سرحدی علاقہ کا دورہ، فوجی جوانوں سے ملاقات اور انکی حوصلہ افزائی کی

پاکستانی آرمی چیف جنرل قمر جاوید باجوہ نے شمالی وزیرستان میں پاک افغان سرحدی علاقوں‌ کا دورہ کیا اور فوجی جوانوں‌سے ملاقات کر کے ان کی حوصلہ افزائی کی.

باغی ٹی وی کی رپورٹ‌ کے مطابق اس موقع پر انہیں‌ سرحد پر لگائی جانے والی باڑ، دہشت گردوں‌کے خلاف جاری آپریشن اور دیگر امور سے متعلق بریفنگ دی گئی. جنرل قمر جاوید باجوہ نے اسی علاقہ کا دورہ کیا جہاں‌ یکم مئی کو سرحد پار سے آنےو الے دہشت گردوں‌کے حملہ میں یکم مئی کو پاک فوج کے تین جوان شہید ہو گئے تھے.

آرمی چیف جنرل قمر جاوید باجوہ نے گفتگو کرتے ہوئے کہاکہ پاکستان افغانستان میں امن عمل کی کامیابی کے لئے مثبت کردار ادا کر رہا ہے اور یہ کہ ہم کسی قسم کی ناگہانی صورتحال کا مقابلہ کرنے کیلئے تیار ہیں. سرحد پر باڑ لگانے، نئے فورٹس اور پوسٹوں‌کی تعمیر سے ایف سی کی قوت میں اضافہ ہو گا.