خبردار رہیئے : شہر میں گیسٹروکی وبا پھوٹ پڑی

لاہور : موسم کی تبدیلی یا کچھ اور لاہور میں‌گیسٹرو کی وبا پھوٹ پڑی ، لاہور کے بڑے ٹیچنگ ہسپتالوں میں پینتالیس سو سے زائد افراد روزانہ ڈائیریا کی شکایات لے کر پہنچنے لگے۔ڈاکٹروں نے احتیاط برتنے کا مشورہ دے دیا

گیسٹرو پھیلنے کے اسباب بیان کرتےہوئے طبی ماہرین کا کہنا ہے کہ ساون کے مہینے میں بیکٹیریا کی پیداوار بڑھ جاتی ہے جس سے ڈائریا کی شکایات سامنے آتی ہیں۔ شہر کے بڑے سرکاری ہسپتالوں میں روزانہ چار ہزار سے زائد افراد گیسٹرو کی شکایات لے کر پہنچنے لگے۔

طبی ماہرین کا کہنا ہے کہ اس موسم میں ڈائریا کی وبا تیزی سے پھیل رہی ہے، شہری کھانے سے پہلے ہاتھ ضرور دھوئیں، صفائی کا خاص خیال رکھیں، پانی کا استعمال زیادہ اور باہر کے کھانوں سے پرہیز کریں۔