گورنمنٹ گرلز ہائی سکول و گورنمنٹ بواٸز مڈل سکول کے طلباء و طالبات کو چھٹی کے وقت ناجاٸز تجاوزات کی وجہ سے مشکلات کا سامنا

لڈن
گورنمنٹ گرلز ہائی سکول و گورنمنٹ بواٸز مڈل سکول کے طلباء و طالبات کو چھٹی کے وقت ناجاٸز تجاوزات کی وجہ سے مشکلات کا سامنا،سیکیورٹی کے خدشات،تفصیل کے مطابق گورنمنٹ گرلز ہائی سکول لڈن و گورنمنٹ بواٸز مڈل سکول لڈن کے اردگرد تجاوزات کی بھرمار ہے،جس کی وجہ سکول کے اوقات میں بازار سے گزرنا مشکل ہو جاتا ہے،خاص طور پر چھٹی کے وقت والدین بچوں کو سکول سے لینے آتے ہیں تو جگہ تھوڑی تنگ ہونے کی بناء پر انہیں کافی مشکلات کا سامنا کرنا پڑتا ہے-

جبکہ رہی سہی کسرریڑی بان و خوانچہ فروشوں اور دوکانداوں نے اپنے کاونٹر آگے کر دیے ہیں،جس کی وجہ سے وہاں سے گزرنا محال ہوگیا ہے،جس پر سیکیورٹی خدشات بھی بڑھ گئے ہیں،جس پر طلباء وطالبات اور والدین محمداشرف،ثناءاللہ ،محمدامجد ،عظیم،شاہ محمد نے تشویش ظاہر کرتے ہوئے ڈی سی او وہاڑی سے ناجاٸز تجاوزات کوفورا” ہٹوانے کی اپیل کی ہے۔

طیب اشرف نمائندہ باغی ٹی وی
لڈن تحصیل وہاڑی ضلع وہاڑی*