غیرت کے نام پر سگی ماں کو قتل کرنے والا بیٹا گرفتار

ایس پی صدر انویسٹی گیشن محمد عیسیٰ خان کی سربراہی میں ہنجر وال پولیس کی کارروائی۔ غیرت کے نام پراپنی سگی ماں ثمینہ خٹک نازعرف نینا علی کو قتل کرنیوالابیٹا احمد شہروزچند گھنٹوں میں گرفتارکر لیا گیا ,سگے بیٹے نے ماں مقتولہ ثمینہ خٹک ناز کو ناجائز تعلقات کے شبہ پر چھری سے گلا کاٹ کر قتل کر دیا۔

ملزم احمدشہروز اپنی والدہ کو قتل کرنے کے بعد گاڑی میں بیٹھ کر موقع سے فرار ہو گیا تھا۔51سالہ مقتولہ ثمینہ خٹک نے دو شادیاں کیں تھیں اور دونوں شوہروں سے طلاق لے لی تھی۔مقتولہ شوبز آرٹسٹ تھی اور شوبز کی دنیا میں نینا علی کے نام سے جانی جاتی تھیں۔انچارج انویسٹی گیشن ہنجروال سید قمر عباس نے اپنی ٹیم کے ہمراہ کارروائی کرتے ہوئے ملزم کو گرفتار کیا۔ملزم احمد شہروز کو گرفتار کر کے آلہ قتل چھری اورفرار ہونے کے لیے استعمال ہونیوالی گاڑی قبضہ میں لی گئی ہے۔ایس ایس پی انویسٹی گیشن لاہور کی طرف سے قاتل کی گرفتاری پر پولیس ٹیم کو شاباش۔