fbpx

زندگی بھر کا غم ہے کہ ماہرہ خان نے میری زندگی پر بننے والے ڈرامے میں کام کیا خیل الرحمان قمر

پاکستان کے معروف ڈرامہ نگار ، شاعر ، مصنف اور ہدایتکار خلیل الرحمان قمر کا کہنا ہے کہ انہیں زندگی بھر کا غم ہے کہ ماہرہ خان نے ان کی زندگی پر بننے والے ڈرامے میں بطور ہیروئن کام کیا۔

باغی ٹی وی : خلیل الرحمان قمرحال ہی میں ایک شو میں بطور مہمان شریک ہوئے جہاں انہوں فنکاروں سے متعلق اپنی رائے کا اظہار کیا- میزبان نے جب ان سے پوچھا کہ آپ کو ایک خاتون میں سب سے زیادہ کیا چیز متوجہ کرتی ہے؟ اچھا میک اپ، اچھا لباس یا اس کا بات کرنے کا انداز؟

میزبان کے سوال کے جواب میں خلیل الرحمان قمر نے کہا مجھے کسی بھی خاتون کی حیا اور وفا اس میں سب سے اچھی لگتی ہے۔

شومیں ایک سیگمنٹ کے دوران میزبان کی جانب سے خلیل الرحمان قمر کو چند فنکاروں کی تصاویر دکھائی گئیں اور انہوں نے ان کے بارے میں اپنی رائے کا اظہار کیا۔

جب خلیل صاحب کو فیروز خان کی تصویر دکھائی گئی تو انہوں نے انہیں بہترین اداکار قرار دیا اور ماضی کا ایک واقعہ بھی بتایا کہ جب ایک آڈیشن کے بعد انہوں نے فیروز خان کو گھر بھیج دیاتھا انہوں نے کہا مجھے نہیں معلوم تھا کہ یہ لڑکا اتنی جلدی اپنی پرفارمنس اتنی بہتر کرلے گا خلیل الرحمان نے یہ بھی بتایا کہ وہ اور فیروز خان ایک پروجیکٹ پر ساتھ کام کررہے ہیں۔

خلیل الرحمان قمر نے عائشہ عمر کے بارے میں کہا ان کے ساتھ میں کام کرچکا ہوں اور جن کے ساتھ میں کام کرتا ہوں ان کی بے حد عزت کرتا ہوں وینا ملک کوبھی انہوں نے بہترین اداکارہ قرار دیا اور کہا ہم نے ایک ساتھ فلم ’’کوئی تجھ سا کہاں‘‘ میں کام کیا تھا۔

حامد میر کے بارے میں انہوں نے کہا میں اس شخص سے نفرت کرتا ہوں آگے چلیں۔ عفت عمر کے بارے میں انہوں نے کہا یہ وہ ہے جس سے میں نفرت بھی نہیں کرتا یہ اس قابل بھی نہیں ہے مفتی قوی کے بارے میں کہا کہ یہ میرے ملک کے اوپر بدنما داغ ہیں۔

جب خلیل الرحمان کو ماہرہ خان کی تصویر دکھائی گئی تو انہوں نے کہا مجھے زندگی بھرکا غم ہے اس نے میری زندگی کا سیریل کیا اور اس میں یہ ہیروئن تھی اور یہ غم مجھے ہمیشہ رہے گا۔ اداکار عدنان ملک کو تو خلیل الرحمان قمر نے پہلے پہچاننے سے ہی انکار کردیا اور پھر کہا ان کے بارے میں میرے وہی خیالات ہیں جوماہرہ خان کے بارے میں ہیں۔

واضح رہے کہ اداکارہ ماہرہ خان اور عدنان ملک نے خلیل الرحمان قمر کے لکھے ہوئے ڈرامے ’’صدقے تمہارے‘‘ میں مرکزی کردار ادا کیے تھے۔ یہ ڈراما 2014 میں نجی ٹی وی چینل سےنشر کیا گیا تھا۔ یہ ڈراما خلیل الرحمان قمر کی زندگی پر مبنی تھا اور اداکار عدنان ملک نے اس میں خلیل الرحمان قمر کا کردار نبھایا تھا۔

صدف کنول کے نوجوان لڑکیوں کو کامیاب ازدواجی زندگی سے متعلق مشورے ، ویڈیو کے سوشل میڈیا پر چرچے