فیصلے کےاعلان کے بعد گھرجا کرپتہ چلتا تھا کہ عملیات سےکچھ اورفیصلہ کیا گیا،فردوس عاشق

پاکستان تحریک انصاف کی سابق رہنما اور سابق وزیراعظم عمران خان کی معاون خصوصی برائے اطلاعات و نشریات فردوس عاشق اعوان کا کہنا ہےکہ وزیر اعظم آفس سے کسی بھی فیصلے کی فائنل منظوری کے بعد اس فیصلےکا اعلان بھی کیا جاتا لیکن گھر جا کر پتہ چلتا تھا کہ عملیات سے کچھ اور فیصلہ کیا گیا ہے-

باغی ٹی وی: پاکستان تحریک انصاف کی سابق اور استحکام پاکستان پارٹی کی موجودہ رہنما فردوس عاشق اعوان نے گزشتہ دور حکومت پر تنقید کرتے ہوئےکہا کہ یہ بھی ایک شاہکار ہےکہ نیوکلیئر پاور کو عملیات پر چلایا جاتا رہا انہوں نے کہا کہ کسی بھی مسئلے پر نیشنل پالیسی بنائی جاتی، اس پر کابینہ میں بحث ہوتی، اس پر تجزیہ کیا جاتا اور وہ فیصلہ کابینہ سے منظور بھی ہوجاتا تھا،پھر وزیر اعظم آفس سے فائنل منظوری کے بعد اس فیصلےکا اعلان بھی کیا جاتا لیکن گھر جا کر پتہ چلتا تھا کہ عملیات سے کچھ اور فیصلہ کیا گیا ہے تو صبح وہ فیصلہ واپس ہو جاتا فیصلہ واپس ہونے پر سب سے زیادہ مشکل کام میرا ہوتا تھا۔

ائیرپورٹ سے آنے والی کار سوار فیملی کے ساتھ واردات کی کوشش

اس سے قبل میڈیا سے گفتگو میں فردوس عاشق اعوان نے کہا تھا کہ عمران خان کی اہلیہ بشریٰ بی بی ہی عمران خان کو بند گلی میں لےگئی ہیں،بشریٰ بی بی نے متعدد بار اُنہیں میڈیا مینیج کرنے کو کہا اور حامد میر اور سلیم صافی کے پروگرام میں شرکت کرنے پر بشریٰ بی بی نے ان کو شدید تنقیدکا نشانہ بنایا، بشریٰ بی بی نے انہیں کہا تھا کہ حامد میر اور سلیم صافی کے پروگراموں کو بندکر دیں، بشریٰ بی بی ہی عمران خان کو بند گلی میں لے گئی ہیں۔

خبرمیں بھی آپکا نام نہیں توآپ کیسے یہاں آ سکتے؟عدالت کا شیریں مزاری استفسار